Ýmsar upplýsingar og þjónusta er í boði fyrir fólk á ferðinni. Hægt er að nálgast upplýsingar um allt sem viðkemur ferðalögum innanlands í upplýsingamiðstöðvum ferðamála sem finna má í öllum landshlutum. Starfsfólk ferðaskrifstofa getur einnig gefið góð ráð.
Það getur verið skemmtilegt að versla á Íslandi og hér er að finna ýmsar alþjóðlegar verslunarkeðjur og vörur í ýmsum verð- og gæðaflokkum. Fjölmargar minjagripaverslanir, handverksmarkaði og verslanir sem selja íslenska hönnun er að finna um allt land og stundum hægt að gera góð kaup á spennandi vöru.
Upplýsingamiðstöðvar ferðamála má finna víðsvegar um landið. Starfsfólk þeirra veitir meðal annars upplýsingar um veður, áhugaverða staði, aðstoðar við bókanir og margt fleira. Þar er einnig hægt að nálgast kort og bæklinga.
Það getur verið gagnlegt að heimsækja ferðaskrifstofu annað hvort á netinu eða utan, við skipulagningu ferðar, hvort sem ætlunin er að bóka hópferð eða ferðast á eigin vegum.
Mörg fyrirtæki sérhæfa sig í skipulagningu ferða. Flest þeirra halda úti aðgengilegum vefsíðum þar sem hægt er að skoða og bóka ferðir.
