Skúlagarður

Skúlagarður - hótel og veitingastaður
Skúlagarður var byggður á árunum 1953-1959 sem heimavistarskóli og félagsheimili. Á síðari árum hefur húsinu verið breytt í notalegt sveitahótel.

Gistingin í Skúlagarði býður uppá 17 tveggja manna herbergi með baði (klósetti og sturtu). Með gistingunni fylgir morgunmatur ef bókað er beint af heimasíðunni. Í Skúlagarði er einnig bar, ísbar sem bíður uppá kúluís og veitingastaðurinn Heiðin Restaurant sem er opinn á föstudögum og laugardögum frá 6.júní-1.september frá kl 18-21. Á veitingastaðnum er einungis boðið uppá rétti úr hráefni úr héraði með áherslu á lambakjöt.

Skúlagarður er í miðju Kelduhverfi í 50 km fjarlægð frá Húsavík og 140 km. frá Akureyri. Margar af helstu náttúruperlum Íslands, svo sem Ásbyrgi, Hljóðaklettar og Dettifoss eru í næsta nágrenni. Gönguleiðir í Kelduhverfi og nágrenni eru margar og fjölbreyttar og náttúrufegurð mikil. Við Ásbyrgi er 9 holu golfvöllur. Örstutt frá Skúlagarði er Litlá, vinsæl stangveiðá og ein af bestu silungsám á Norðulandi. Skúlagarður er tilvalinn staður fyrir stóra sem smærri hópa, ættarmót, fundi og ráðstefnur.

Húsráðandi er Salbjörg Matthíasdóttir
Skúlagarður er opinn allan ársins hring.
Upplýsingar og pantanir í síma 465-2280/846-4951 eða á netfang info@skulagardur.com

Skúlagarður

Kelduhverfi

GPS punktar N66° 4' 37.574" W16° 42' 36.137"
Opnunartími Allt árið
Flokkar Veitingahús , Hótel

Fjölskyldutilboð

Hótel Skúlagarður leggur mikla áherslu á að vera fjölskylduvænt hótel og finnst mikilvægt að hjálpa fjölskyldufólki að ferðast um sitt eigið land og njóta aðstöðunnar sem við höfum uppá að bjóða.

Öll börn undir 6.ára hafa alltaf fengið að gista og borða frítt á hótelinu okkar en nú ætlum við að gera gott betur og bjóða fjölskyldufólki 1 aukarúm í hvert herbergi frítt fyrir börn yngri en 18.ára

Ef gist er fleiri en eina nótt fá fjölskyldur 10% afslátt af öllum mat á matseðli annað kvöldið og þriðja kvöldið fá þau 15% afslátt.

Notið afsláttarkóðann „FJÖLSKYLDUFERÐALAG“ til að fá aukarúm frítt við bókun

Hlökkum til að sjá ykkur í sumar!

Hafðu samband
Tilboð

Skúlagarður - ferðaupplýsingar

Úr gagnagrunni Ferðamálastofu Íslands

Aðrir

Brunná
Stangveiði
  • Hvirfilvellir
  • 671 Kópasker
  • 860-4919
Náttúra
18.75 km
Jökulsárgljúfur

Jökulsárgljúfur tilheyra Vatnajökulsþjóðgarði og umhverfi þeirra hafa heillað margan ferðalanginn. Fossasamtæða Jökulsár á Fjöllum með Selfoss, Dettifoss, Hafragilsfoss og Réttarfoss á sér fáa líka á jörðinni. Stórkostlegt umhverfi Jökulsárgljúfra er mótað af vatni, eldum og ís. Gífurleg hamfarahlaup eru talin hafa myndað og mótað gljúfur, gil, klappir og byrgi. Frægust þeirra er Ásbyrgi.

Náttúra
21.32 km
Hljóðaklettar

Hljóðaklettar í Vatnajökulsþjóðgarði eru sérkennileg þyrping stuðlabergskletta í mynni Vesturdals niðri við Jökulsá á Fjöllum. Stuðlarnir hafa alls konar legu og er gaman að nota ímyndunaraflið þegar þeir eru skoðaðir.

Vegurinn að Hljóðaklettum (862) er fær öllum bílum frá þjóðvegi 85 en er lokaður á veturna.

Náttúra
13.53 km
Ásbyrgi

Ásbyrgi er eitt helsta náttúruundur Íslands og er staðsett í Vatnajökulsþjóðgarði. Lagðir hafa verið göngustígar um svæðið og sett upp lítil upplýsingaskilti við þá. Í Ásbyrgi er mikið af fallegum gróðri og mikið fuglalíf. Það er upplifun fyrir alla fjölskylduna að virða fyrir sér tignarlega hamraveggi og njóta kyrrðarinnar. Það er ekki síður skemmtilegt að fara í Ásbyrgi á haustin, þar sem fallegir haustlitirnir setja skemmtilegan svip á þetta einstaka náttúruundur. Ásbyrgi er hluti af Demantshringnum sjáðu hann hér www.demantshringurinn.is

Náttúra
11.07 km
Fjallahöfn

Leiðin austur eftir vegi nr.85, liggur eftir bröttum klettum Tjörnes og niður á flata svæðið í Öxarfirði. Þegar komið er niður brekkuna blasir við löng sandströnd og er lítið bílastæði vinstramegin við veginn. Kjörið tækifæri til að leggja bílnum þar og taka sér göngutúr eftir svartri sandströndinni og njóta ferska sjávarloftsins og útsýnisins.
Vinsamlegast ekki reyna að keyra eftir ströndinni.

Aðrir

Árdalur
Gistiheimili
  • Árdalur
  • 671 Kópasker
  • 659-2282, 465-2282
Ásbyrgi veitingar og verslun
Kaffihús
  • Kelduhverfi
  • 671 Kópasker
  • 465-2260, 849-0753