Flýtilyklar
Ferðaþjónustan Syðra-Skörðugili
Ferðaþjónustan Syðra-Skörðugili er hestatengd ferðaþjónusta. Bærinn er staðsettur í hjarta Skagafjarðar við veg 75 milli Varmahlíðar og Sauðárkróks. Stutt er í alla þjónustu.
Gisting: í boði er gisting í nýuppgerðu gistihúsi sem rúmar allt að 14 manns í uppábúnum rúmum. Í húsinu eru 5 svefnherbergi og tvö baðherbergi. Vel útbúið eldhús sem og notaleg stofa og borðstofa. Húsið er allt hið glæsilegasta. Við húsið er upphituð verönd með garðhúsgögnum , gasgrilli og heitum potti.
Hestaleiga: Við höfum mikið úrval af frábærum hestum bæði fyrir óvana sem og vana reiðmenn. Hægt er að panta bæði lengri sem styttri ferðir, allt frá 1 klst uppí allt að 4 klst ferð. Okkar sérstaða er sú að við bjóðum uppá stutta "hestaferð" í Byggðasafnið í Glaumbæ sem er einungis í um 4 km fjarlægð frá okkur. Í þessari ferð er safnið skoðað og áður en lagt er af stað til baka er gestum boðið uppá kaffi og meðlæti í Áskaffi. Frábær upplifun ef Byggðasafnið í Glaumbæ er á ferðaplaninu.
Hestaferðir: Í boði eru jafnt lengri sem styttri hestaferðir um ægifagran Skagafjörðinn jafnt sumar sem haust. Sjá nánar á vefsíðunni www.sydraskordugil.is.
Syðra-Skörðugil
Ferðaþjónustan Syðra-Skörðugili - ferðaupplýsingar
Úr gagnagrunni Ferðamálastofu Íslands
