Leita
Finnur þú það ekki? Prófaðu leitina :)

Vogafjós

Velkomin í Vogafjós

Vogafjós er staðsett á austurströnd Mývatns, um tveimur kílómetrum sunnan við þorpið Reykjahlíð. Gistihúsin eru þrjú bjálkahús með samtals 26 herbergi. Herbergin eru rúmgóð og hægt er að velja milli 2ja, 3ja og 4ja manna, allt með sérbaðherbergjum. Morgunverður er innifalinn. Herbergin eru fallega innréttuð og höfuðmarkmiðið er að gestum líði vel og geti slappað af eftir langan dag.

Í veitingasalnum Vogafjósi, sem er áfastur fjósinu, rekum við veitingahús sem tekur 90 gesti í sæti. Litla sveitabúð, Sælkerahornið, er að finna í fjósinu og þar er lögð áhersla á sölu á sælkeravörum ásamt ýmsu handverki. Gestum er velkomið að fara inn í fjósið og klappa kúnum, fylgjast með mjöltum og jafnvel smakka ylvolga og ferska mjólk. Við mjólkum tvisvar á dag, á morgnana klukkan 7:30 og á kvöldin klukkan 18:00.

Einkunnarorð Vogafjóss eru: ,,Þú ert það sem þú borðar". Með það að leiðarljósi legggjum við metnað okkar í að hafa einungis á boðstólum úrvals hráefni. Við notum mikið af okkar eigin afurðum svo sem hangikjöt, reyktan silung, heimagerða osta, heimabakað bakkelsi, hverabrauð og að sjálfsögðu kjöt frá okkar eigin búi.

Þá er vert að geta þess að Vogafjós er aðili að Beint frá býli og matarklasanum Þingeyska matarbúrið.

Vogafjós er opið allan ársins hring.

Vogafjós

Sími: 464-3800

vogafjos@vogafjos.is

www.vogafjos.is

facebook.com/vogafjosfarmresort

www.instagram.com/vogafjosmyvatn

Vogafjós

Vogum

GPS punktar N65° 37' 26.817" W16° 55' 21.380"
Sími

464-3800

Vogafjós - ferðaupplýsingar

Úr gagnagrunni Ferðamálastofu Íslands

Aðrir

Mývatnsmaraþon
Almenningshlaup
  • Hlíðavegur 6
  • 660 Mývatn
  • 867-8723
Mýflug hf.
Ferðaskipuleggjendur
  • Reykjahlíð Airport
  • 660 Mývatn
  • 464-4400
Golfklúbbur Mývatnssveitar
Golfvellir
  • Stekkholt
  • 660 Mývatn
  • 856-1159
Ferðaþjónustan Bjargi
Gistiheimili
  • Bjarg
  • 660 Mývatn
  • 464-4240
Safarihestar
Hestaafþreying
  • Álftagerði 3
  • 660 Mývatn
  • 464-4203 , 864-1121
Gistiheimilið Eldá / Helluhraun / Birkihraun
Gistiheimili
  • Helluhraun 15
  • 660 Mývatn
  • 464-4220
Náttúra
16.83 km
Stóra Víti

Stóra - Víti er gríðarstór sprengigígur um 300 m í þvermál. Gígurinn myndaðist við mikla gossprengingu við upphaf Mývatnselda árið 1724. Gosið stóð meira og minna samfellt í 5 ár en leirgrauturinn í Víti sauð í meira en heila öld á eftir.
Víti er við Kröflu og er malbikaður vegur þar upp að frá þjóðvegi númer 1.

Þjóðgarðar
11.51 km
Mývatn verndarsvæði

Á og við Mývatn er mikið og fjölbreitt fuglalíf. Einkum lifa þar vatna- og votlendisfuglar af ýmsum tegundum en þekktast er Mývatn fyrir fjölda andategunda sem á sumrin eru fleiri við vatnið en á nokkrum öðrum stað á jörðinni.
Mývatn er verndað með sérstökum lögum og er á skrá um alþjóðlega mikilvæg votlendissvæði ásamt Laxá sem úr því rennur.

Náttúra
4.77 km
Höfði í Mývatnssveit

Höfði er klettatangi sem gengur út í Mývatn. Útsýni er allgott af Höfðanum yfir Mývatn, voga þess og víkur og er kjörinn staður til fuglaskoðunar. Kálfastrandarvogur liggur meðfram Höfðanum og er sérstæður fyrir hraundrangamyndanir í voginum og við hann. Þessir drangar heita Klasar og Kálfastrandarstrípar en Kálfastrandarvogur og umhverfi Höfða þykir með fegurstu stöðum við Mývatn.

Náttúra
5.84 km
Námafjall

Námafjall og umhverfi er háhitasvæði. Þétt sprungubelti liggur yfir allt Námafjallssvæðið en meginuppstreymið er austan við fjallið og hefur það gengið síðustu ár undir nafninu Hverarönd. Á því svæði eru margir gufu- og leirhverir, en engir vatnshverir. Leirhverirnir eru stórir og áberandi en gufuhverirnir eru margir ekki annað en borholur sem búið er að hlaða grjóti yfir. Jarðvegur er ófrjór og gróðurlaus á háhitasvæðinu og mjög súr vegna áhrifa hveraloftsins og fellur út brennisteinn.

Náttúra
6.28 km
Mývatn

Mývatn er fjórða stærsta stöðuvatn á Íslandi, 37 km2 á stærð, mjög vogskorið og í því eru um 50 eyjar og hólmar. Rykmý setur mjög svip sinn á umhverfi Mývatns og af því dregur vatnið nafn sitt. Mývatn er mjög grunnt og sólarljós nær alls staðar til botns. Það sem einkennir lífið í Mývatni öðru fremur er mikill vöxtur og viðgangur vatnaþörunga og lífríkið er ákaflega fjölbreytilegt og merkilegt. Á botninum er mikið af kísilþörungaskeljum, ofar syndir hin alþekkta Mývatnsbleikja innan um vatnagróður og á bökkum vatnsins og í hólmum vex safaríkur gróður.
Á og við Mývatn er mikið og fjölbreitt fuglalíf. Einkum lifa þar vatna- og votlendisfuglar af ýmsum tegundum en þekktast er Mývatn fyrir fjölda andategunda sem á sumrin eru fleiri við vatnið en á nokkrum öðrum stað á jörðinni.
Mývatn er verndað með sérstökum lögum og er á skrá um alþjóðlega mikilvæg votlendissvæði ásamt Laxá sem úr því rennur.

Náttúra
3.85 km
Hverfjall

Í Hverfjall er stór, hringlaga sprengigígur, um 140 m djúpur og um 1000 m í þvermál. Hverfjall er í röð fegurstu og reglubundnustu sprengigígamyndana sem getur að líta á Íslandi og talið í röð þeirra stærstu sinnar tegundar á jörðinni. Telja má víst að gígurinn sé myndaður við sprengigos og er aldur þess áætlaður 2800-2900 ár.

Náttúra
4.51 km
Grjótagjá

Grjótagjá er lítill hellir í Mývatnssveit og var eftirsóttur baðstaður á árum áður. Við jarðhræringarnar á þessum slóðum á árunum 1975-1984 hækkaði hitastig vatnsins svo mjög að ekki hefur verið hægt að baða sig þar síðan. Virkilega skemmtilegt að kíkja ofaní hellinn og láta sig dreyma um að baða sig í þessum flotta helli.

Náttúra
11.51 km
Mývatnssveit

Grjótagjá er lítill hellir í Mývatnssveit og var eftirsóttur baðstaður á árum áður. Við jarðhræringarnar á þessum slóðum á árunum 1975-1984 hækkaði hitastig vatnsins svo mjög að ekki hefur verið hægt að baða sig þar síðan. Virkilega skemmtilegt að kíkja ofaní hellinn og láta sig dreyma um að baða sig í þessum flotta helli.

Náttúra
11.55 km
Skútustaðagígar

Skútustaðagígar eru gervigígar sem hafa myndast við gufusprengingu þegar hraun hefur runnið yfir votlendi. Gígarnir eru vinsæll staður til fuglaskoðunar og eru þeir friðlýstir sem náttúruvætti.

Náttúra
4.51 km
Dimmuborgir

Dimmuborgir eru sundurtættar hraunborgir með gróðri og kjarri. Í Dimmuborgum gefur að líta hvers konar furðumyndir, gatkletta og smáhella, sá frægasti er líklega Kirkjan, há og mikil hvelfing, opin í báða enda. Það er ekki síður mikil upplifun að fara í Dimmuborgir yfir vetrartímann og í desember er hægt að heimsækja jólasveinana sem búa þar.

Aðrir

Kaffi Borgir
Veitingahús
  • Dimmuborgir
  • 660 Mývatn
  • 464-1144
Hella - Reykkofinn
Beint frá býli
  • Hella
  • 660 Mývatn
  • 464-4237
Skútaís - Heimaafurð úr Mývatnssveit
Kaffihús
  • Skútustaðir 2b
  • 660 Mývatn

Norðurland

Þéttbýliskjarnar

Á Norðurlandi eru fjölmargir áhugaverðir bæir, stórir og smáir, þar sem mannlíf og atvinnulíf er fjölbreytt. Hver bær hefur sín sérkenni en öllum er sameiginlegt að taka vel á móti gestum. Fjölbreytt gisting, góðir veitingastaðir, blómstrandi menning og möguleikar til útivistar og afþreyingar eru alls staðar fyrir hendi. 

Skoðunarferðir um bæina eru því bæði skemmtilegar og fræðandi.

Skoða meira

Map Akureyri Hrafnagil Grímsey Raufarhöfn Kópasker Þórshöfn Bakkafjörður Húsavík Mývatn Laugar Svalbarðseyri Grenivík Hjalteyri Hauganes Árskógssandur Dalvík Hrísey Ólafsfjörður Siglufjörður Hofsós Hólar Varmahlíð Sauðárkrókur Skagaströnd Blöndós Hvammstangi Laugarbakki Borðeyri