Leita
Finnur þú það ekki? Prófaðu leitina :)

Fjallagisting

Fjallagisting er staðsett á Steinnýjarstöðum sem er um 10 km norðan við Skagaströnd. Í bústaðnum er hjónarúm, tvíbreiður svefnsófi og ungbarnarúm. Gisting er fyrir 4 fullorðna. Einnig eru 2 þykkar dýnur í húsinu. Í húsinu er borðbúnaður fyrir 10 manns. 32" flatskjár og góð hljómflutningstæki eru í húsinu. Stór verönd er við húsið. Veiðileyfi seld á staðnum í hið margrómaða Langavatn á Skaga ( aðeins 5 km frá bænum) Tilvalið að leggja upp í gönguferð um Skagaheiði. Aðeins um 10 km frá Skagaströnd og um 30 km frá Blönduós.

Lyklar eru sóttir á bænum um leið og leigutaki mætir.

Hægt er að koma á komudegi kl:14:00 í bústaðinn en á skiladegi þarf að skila bústaðnum kl:12:00

Gestir eru vinsamlegast beðnir að virða skilatímann.

5359_1___Selected.jpg
Fjallagisting

Steinnýjarstaðir

GPS punktar N65° 54' 23.609" W20° 16' 37.336"
Gisting 1 Herbergi / 4 Rúm
Opnunartími Allt árið
Flokkar Sumarhús

Fjallagisting - ferðaupplýsingar

Úr gagnagrunni Ferðamálastofu Íslands

Aðrir

Golfklúbbur Skagastrandar
Golfvellir
  • Höfði
  • 545 Skagaströnd
  • 892-5089
Náttúra
11.72 km
Spákonufell

Spákonufell er svipmikið og virðulegt fjall fyrir ofan Skagaströnd. Það er bæjarfjall Skagstrendinga og fjöldi fólks nýtir sér það til útiveru, jafnt sumar sem vetur. Þar eru líka margar góðar gönguleiðir og nokkrir staðir sem að margra mati eru gulls ígildi. Sömu sögu er að segja að vetrarlagi. Þá taka heimamenn fram gönguskíðin, ganga í kringum Spákonufell og jafnvel upp á það.

Gefnir hafa verið út bæklingar um gönguleiðir á Spákonufell og Spákonufellshöfða. Þeir eru til á íslensku, ensku og þýsku og má fá víða í bænum og upplýsingamiðstöðum á Norðurlandi. Í þeim eru góðar myndir, ítarleg kort og áhugaverður fróðleikur.

Náttúra
14.22 km
Kálfshamarsvík

Kálfshamarsvík er lítil vík á norðanverðum Skaga. Þar eru sjávarhamrar úr fallega formuðu stuðlabergi er myndaðist fyrir u.þ.b. tveimur milljónum ára, sérkennileg náttúrusmíð. Í byrjun 20.aldar var útgerð og um 100 manna byggð í Kálfshamarsvík en um 1940 var byggðin komin í eyði.

Náttúra
8.55 km
Spákonufellshöfði

Spákonufellshöfði er vinsælt útivistarsvæði skammt frá höfninni á Skagaströnd. Þar hafa verið merktar gönguleiðir og sett upp fræðsluskilti um fugla og gróður. Á björtum sumarkvöldum má sjá miðnætursólina setjast við hafasbrún í norðri. Raunar ganga heimamenn um Höfðann allan ársins hring og njóta þess sem hann býður upp á.

Aðrir

Hafnir
Sumarhús
  • Hafnir
  • 545 Skagaströnd
  • 452-4163
Bjarmanes
Kaffihús
  • Höfði
  • 545 Skagaströnd
  • 452-2850

Norðurland

Þéttbýliskjarnar

Á Norðurlandi eru fjölmargir áhugaverðir bæir, stórir og smáir, þar sem mannlíf og atvinnulíf er fjölbreytt. Hver bær hefur sín sérkenni en öllum er sameiginlegt að taka vel á móti gestum. Fjölbreytt gisting, góðir veitingastaðir, blómstrandi menning og möguleikar til útivistar og afþreyingar eru alls staðar fyrir hendi. 

Skoðunarferðir um bæina eru því bæði skemmtilegar og fræðandi.

Skoða meira

Map Akureyri Hrafnagil Grímsey Raufarhöfn Kópasker Þórshöfn Bakkafjörður Húsavík Mývatn Laugar Svalbarðseyri Grenivík Hjalteyri Hauganes Árskógssandur Dalvík Hrísey Ólafsfjörður Siglufjörður Hofsós Hólar Varmahlíð Sauðárkrókur Skagaströnd Blöndós Hvammstangi Laugarbakki Borðeyri