Leita
Finnur þú það ekki? Prófaðu leitina :)

Sauðaneshús á Langanesi

Kirkjustaðurinn Sauðanes er á Langanesi 7 km norðan við Þórshöfn. Sauðanes er fornfrægur kirkjustaður, höfuðból og menningarsetur.
Prestsbústaðurinn að Sauðanesi (Sauðaneshús) var byggður 1879 úr höggnum grásteini en endurbygging þess stóð frá 1991 - 2003. Gamla prestshúsið er elsta steinhús í Þingeyjarsýslum og er gert úr steini er fluttur var langt að og tilhöggvinn á staðum. Gamla húsinu hefur verið komið í upprunalegt horf og er þar til húsa minjasýning, upplýsingaþjónusta fyrir ferðamenn auk veitingasölu. Til sýnis eru munir frá Langanesi og nágrenni. Sauðaneshús er hluti af húsasafni Þjóðminjasafns Íslands.
Talið er að kirkja hafi staðið á Sauðanesi allt frá 12. öld , en núverandi kirkja var byggð árið 1889 og er í endurbyggingu.

Sauðaneshús á Langanesi

Sauðanes

GPS punktar N66° 14' 41.692" W15° 16' 12.094"
Vefsíða www.husmus.is
Opnunartími 15/06 - 31/08

Sauðaneshús á Langanesi - ferðaupplýsingar

Úr gagnagrunni Ferðamálastofu Íslands

Náttúra
13.20 km
Langanes

Langanes teygist næstum 40 km út í hafið til norðausturs. Á nesinu skiptast á mýrar, holt og melar. Allgrösugt er þar víða og sauðlönd góð. Við Langanes hafa verið gjöful fiskimið frá fornu fari og fiskveiðar stundaðar af krafti. Þar er fjölbreytt fuglalíf. Mikil hlunnindi hafa þar löngum verið af reka, æðarvarpi og bjargfuglatekju. Sjaldgæfar jurtir vaxa á Langanesi svo sem flétta sem kallast klettakróða.

Undir Skoruvíkurbjargi er klettadrangur sem heitir Stórikarl. Þar er mesta súluvarp á Norðurlandi og einnig verpa þar margar aðrar fuglategundir t.d. langvía, ryta og fýll.

Langanes er tilvalinn staður til að njóta kyrrðarinnar útí náttúrunni.

Aðrir

N1 - Þjónustustöð
Kaffihús
  • Fjarðarvegur 2
  • 680 Þórshöfn
  • 468 1174

Norðurland

Þéttbýliskjarnar

Á Norðurlandi eru fjölmargir áhugaverðir bæir, stórir og smáir, þar sem mannlíf og atvinnulíf er fjölbreytt. Hver bær hefur sín sérkenni en öllum er sameiginlegt að taka vel á móti gestum. Fjölbreytt gisting, góðir veitingastaðir, blómstrandi menning og möguleikar til útivistar og afþreyingar eru alls staðar fyrir hendi. 

Skoðunarferðir um bæina eru því bæði skemmtilegar og fræðandi.

Skoða meira

Map Akureyri Hrafnagil Grímsey Raufarhöfn Kópasker Þórshöfn Bakkafjörður Húsavík Mývatn Laugar Svalbarðseyri Grenivík Hjalteyri Hauganes Árskógssandur Dalvík Hrísey Ólafsfjörður Siglufjörður Hofsós Hólar Varmahlíð Sauðárkrókur Skagaströnd Blöndós Hvammstangi Laugarbakki Borðeyri