Leita
Finnur þú það ekki? Prófaðu leitina :)

Hótel Laugarbakki

Hótelið er miðja vegu á milli Reykjavíkur og Akureyrar, eða 193 km frá Reykjavík. 198 km eru frá Laugarbakka norður á Akureyri. Frá hótelinu er útsýni yfir Miðfjarðará, eina frægustu laxveiðiá landsins. Á leiðinni fyrir Vatnsnes eru söguslóðir Vatnsenda-Rósu og klettadrangurinn Hvítserkur gnæfir yfir sjávarmálinu. Grettir Ásmundarson, frægasti útlagi Íslendingasagnanna, ólst upp í Miðfirði og úti á Húnaflóa háðu Þórður kakali og Kolbeinn ungi einu sjóorrustuna við Ísland, Flóabardaga árið 1244.

56 glæný herbergi öll með baði eru á Hótel Laugarbakka

Erum með 1×1, 1×2, 1×3, fjölskylduherbergi og junior svítur.
Öll herbergi eru útbúin með sjónvarpi, hárþurrku, baðvörum, og sloppum.
Veitingastaðurinn Bakki er á hótelinu. Bistro staður með áherslur á mat úr héraði ásamt bar.
Opnunartími veitingastaðar er frá 07.00 - 22:00.

Fundar-og ráðstefnusalir eru á Hótel Laugarbakka, Ásdísarstofa fyrir minni fundi og Íþróttasalur, Grettir fyrir stærri ráðstefnur.
Kennslueldhús fyrir námskeiðshald er á hótelinu.

Heitir pottar og íþróttaaðstaða er á hótelinu frítt fyrir gesti.
Frítt þráðlaust net í alrýmum hótelsins og í öllum herbergjum
Frí bílastæði
Útileiksvæði fyrir börn

Ýmis afþreying er í boði fyrir gesti, upplýsingar hægt að nálgast í móttöku og á heimasíðu okkar.

Hótel Laugarbakki

Skeggjagata 1

GPS punktar N65° 19' 7.395" W20° 53' 11.971"
Sími

519-8600

Gisting 56 Herbergi / 130 Rúm
Opnunartími Allt árið
Flokkar Hótel

Hótel Laugarbakki - ferðaupplýsingar

Úr gagnagrunni Ferðamálastofu Íslands

Aðrir

Ármann Pétursson
Hestaafþreying
  • Neðri-Torfustaðir
  • 531 Hvammstangi
  • 894-8807
Gistihúsið Neðra-Vatnshorn
Svefnpokagisting
  • Línakradalur
  • 531 Hvammstangi
  • 451-2928, 866-7297
Náttúra
20.46 km
Kolugljúfur

Þegar ekið er fram Víðidal kemur maður að Kolugili sem stendur við Víðidalsá. Rétt neðan við bæinn rennur áin friðsæl niður í stórbrotið gljúfur sem heitir Kolugljúfur og þar eru fossar sem kenndir eru við tröllkonuna Kolu og heita Kolufossar.

Það er afar áhrifamikið að aka út á brúna yfir gljúfrið og sjá hina friðsælu á steypast fram í svo mikilfenglegum fossum. Sýn sem lætur engan ósnortinn.

Saga og menning
7.22 km
Bjarg í Miðfirði

Bjarg í Miðfirði er fæðingarstaður Grettis sterka Ásmundarsonar en hann fæddist í lok 10. aldar og sagan segir að hann hafi manna lengst verið í útlegð á Íslandi eða í 19 ár alls. Grettissaga er ein af perlum íslenskra bókmennta og hefur lifað í gegnum aldirnar á skinnhandritum og í frásögnum sögumanna, þá hefur sagan verið uppspretta ótal hugmynda listamanna og rithöfunda. Sagan um Gretti sterka verður sýnileg við Grettisból á Laugarbakka, en þar er verið að byggja upp leikvang með áherslu á hreysti og hæfni, aflraunir með þátttöku gesta, allt í anda frægðarsagna íslenskra fornkappa.
Frá árinu 1996 hafa verið haldnar árlega Grettishátíðir á slóðum Grettis með sérstakri menningardagskrá. Leiðsögn er um fæðingarstað Grettis að Bjargi og saga hans rakin. Einnig er keppt í aflraunum þar sem tekist er á við hin ýmsu "Grettistök".
Nánari upplýsingar um Grettishátíðina.

Saga og menning
9.94 km
Selasetur Íslands

Selasetur Íslands er staðsett í hinu sögufræga og glæsilega húsi VSP á Hvammstanga. Þar eru fræðslu sýningar um seli og hægt að kynna sér meðal annars lífshætti sela, selaveiðar og nýting selaafurða og þjóðsögur um seli.

Setrið gegnir einnig hlutverki almennrar upplýsingamiðstöðvar fyrir ferðamenn. Þar geta ferðamenn fengið upplýsingar um athyglisverða áfangastaði og afþreyingu í Húnaþingi. Þar eru einnig seldir minjagripir og handverk úr héraði.

Aðrir

Leirhús Grétu
Sýningar
  • Litli-Ós
  • 531 Hvammstangi
  • 451-2482, 894-5591
Bænahúsið á Gröf
Söfn
  • Skagafjörður
  • 566 Hofsós
  • 453-8373
Héraðsskjalasafn Vestur-Húnavatnssýslu
Bóka- og skjalasöfn
  • Höfðabraut 6
  • 530 Hvammstangi
  • 451-2607
Verslunarminjasafn Bardúsa
Sýningar
  • Brekkugata 4
  • 530 Hvammstangi
  • 451-2747

Aðrir

Kaffi Síróp
Veitingahús
  • Norðurbraut 1
  • 530 Hvammstangi
  • 451 2266
Hlaðan
Veitingahús
  • Brekkugata 2
  • 530 Hvammstangi
  • 451-1110, 863-7339
Söluskálinn /sjoppan
Veitingahús
  • Hvammstangabraut 40
  • 530 Hvammstangi
  • 451-2465

Norðurland

Þéttbýliskjarnar

Á Norðurlandi eru fjölmargir áhugaverðir bæir, stórir og smáir, þar sem mannlíf og atvinnulíf er fjölbreytt. Hver bær hefur sín sérkenni en öllum er sameiginlegt að taka vel á móti gestum. Fjölbreytt gisting, góðir veitingastaðir, blómstrandi menning og möguleikar til útivistar og afþreyingar eru alls staðar fyrir hendi. 

Skoðunarferðir um bæina eru því bæði skemmtilegar og fræðandi.

Skoða meira

Map Akureyri Hrafnagil Grímsey Raufarhöfn Kópasker Þórshöfn Bakkafjörður Húsavík Mývatn Laugar Svalbarðseyri Grenivík Hjalteyri Hauganes Árskógssandur Dalvík Hrísey Ólafsfjörður Siglufjörður Hofsós Hólar Varmahlíð Sauðárkrókur Skagaströnd Blöndós Hvammstangi Laugarbakki Borðeyri