Kópasker Á norðurhjara

Kópasker er vinalegt sjávarþorp í Núpasveit við austanverðan Öxarfjörð sem rekur sögu sína aftur til ársins 1879 er það varð löggildur verslunarstaður. Þorp myndaðist síðar í kringum starfsemi Kaupfélags Norður Þingeyinga sem stofnað var 1894. Fyrst risu vöruskemma og bryggja en verslunarhús var reist 1908 og fyrsta íbúðarhúsið 1912. Þorpið sækir nafn sitt til skers er fyrrum gekk út í sjóinn og en á því stendur nú hafnargarður.

Meginatvinnuvegur þorpsins er þjónusta við íbúa, nærsveitir og ferðaþjónustaStærsti atvinnuveitandi er sláturhúsið og kjötvinnslan Fjallalamb hf. Aðeins er um útgerð á Kópaskeri en hún er bundin við nokkra smábáta.

Á Kópaskeri er ýmis grunnþjónusta í boði, svo sem matvöruverslun, vínbúð, verkstæði, heilsugæslustöð, apótek, banki, póstur, heilsurækt, sjálfsali fyrir bensín, veitingasala og nokkrir gististaðir ásamt tjaldsvæði.

Ýmislegt er vert að gera og sjá á Kópaskeri. Á Snartarstöðum við Kópasker er einstök sýning á munum úr byggðarsafni N-Þingeyinga.  Þar er m.a. að finna mikið úrval hannyrða af ýmsum toga og merkilegt bókasafn. Í skólahúsinu er Skjálftasetrið, sem greinir í máli og myndum frá skjálftanum við Kópasker 1976, orskökum hans og áhrifum á mannvirki, landslag og mannlíf. Við Kópasker eru jafnframt áhugaverðar gönguleiðir og afar fjölbreytt fuglalíf.

Á hverju ári eru haldin Sólstöðuhátíð á Kópaskeri, í júní. Mikið er um að vera í þorpinu þessa helgi og gaman er að koma og upplifa menningu íbúa á þennan hátt.

mynd-otto-gunnarsson_cop.jpg
Kópasker
GPS punktar N66° 18' 5.531" W16° 26' 36.185"
Póstnúmer

670,671

Áhugaverðir staðir og afþreying

Kópasker - ferðaupplýsingar

Úr gagnagrunni Ferðamálastofu Íslands

Aðrir

Arctic Angling
Ferðaskrifstofur
  • Hafnarbraut 2
  • 675 Raufarhöfn
  • 868-9771, 696-5942
Bókasafn Öxarfjarðar
Bóka- og skjalasöfn
  • Akurgerði 4
  • 670 Kópasker
  • 461-2171
Oddur Örvar Magnússon / Icelandhunting
Ferðasali dagsferða
  • Baughóll 31c
  • 640 Húsavík
  • 895-1776
Heimskautagerðið Raufarhöfn
Söguferðaþjónusta
  • 465-1233
Golfklúbbur Húsavíkur
Golfvellir
  • Katlavellir
  • 640 Húsavík
  • 464-1000
Golfklúbburinn Gljúfri
Golfvellir
  • Ekrugata 6
  • 670 Kópasker
  • 465-2145, 892-2145
Brunná
Stangveiði
  • Hvirfilvellir
  • 671 Kópasker
  • 860-4919
Husavik mini bus ehf.
Dagsferðir
  • Garðarsbraut 79
  • 640 Húsavík
  • 898-9853

Aðrir

Árdalur
Gistiheimili
  • Árdalur
  • 671 Kópasker
  • 659-2282, 465-2282
Barð - Ferðafélag Húsavíkur/FÍ
Svefnpokagisting
  • Háagerði 10
  • 640 Húsavík
  • 464-2072, 464-1610
Þeistareykir - 4x4 Húsavíkurdeild
Fjallaskálar
  • Þeistareykir
  • 640 Húsavík
  • 465-2273, 464-3510
Tjaldsvæðið Vesturdal - Vatnajökulsþjóðgarður
Tjaldsvæði
  • Vesturdalur Jökulsárgljúfrum
  • 671 Kópasker
  • 470-7100
Gistiheimilið Sigtún
Gistiheimili
  • Túngata 13
  • 640 Húsavík
  • 866-3645, 464-0200
Keldunes
Gistiheimili
  • Keldunes II
  • 671 Kópasker
  • 465-2275, 847-1593
Húsavík Green Hostel
Farfuglaheimili og Hostel
  • Vallholtsvegur 9
  • 640 Húsavík
  • 866-0882
Höfði Gistihús
Gistiheimili
  • Héðinsbraut 11
  • 640 Húsavík
  • 852-0010

Aðrir

Olís - Þjónustustöð
Bensínstöð
  • Garðarsbraut 64
  • 640 Húsavík
  • 464-1040
Gentle Café
Veitingahús
  • Garðarsbraut
  • 640 Húsavík
  • 864-6641
Skerjakolla
Verslun
  • Bakkagata 10
  • 670 Kópasker
  • 465-1150
Ásbyrgi veitingar og verslun
Kaffihús
  • Kelduhverfi
  • 671 Kópasker
  • 465-2260, 849-0753
Húsavík Öl
Veitingahús
  • Héðinsbraut 4
  • 640 Húsavík
  • 789-0808
N1 - Þjónustustöð
Bensínstöð
  • Héðinsbraut 2
  • 640 Húsavík
  • 464-2650
Árdalur
Gistiheimili
  • Árdalur
  • 671 Kópasker
  • 659-2282, 465-2282
Skeljungur - Þjónustustöð
Kaffihús
  • Héðinsbraut 6
  • 640 Húsavík
  • 464-1260
Náttúra
Hraunahafnartangi

Hraunhöfn dregur nafn sitt af náttúrulegri höfn, sem þótti sæmilegt skipalægi áður fyrr og er hennar getið í heimildum frá 13. öld. Á Hraunhafnartanga er Þorgeirsdys sem talin er vera haugur fornhetjunnar hugprúðu, Þorgeirs Hávarssonar, en frá vígi hans í frækilegum bardaga segir í Fóstbræðrasögu.

Hraunhafnartangi og Rifstangi eru nyrstu tangar fastalands Íslands, aðeins rúmum kílómetra sunnan við norður heimskautsbaug. Gestir sem koma með mynd af sér við vitann geta fengið vottorð hjá þjónustuaðilum um að hafa komið á nyrsta odda landsins.

Náttúra
Heimskautsgerði

Heimskautsgerðið er sprottið upp úr vangaveltum Erlings Thoroddsen um hvernig hægt er að virkja endalausa víðáttu, þar sem ekkert skyggir á sjóndeildarhringinn, heimskautsbirtuna og miðnætursólina. Inn í þessum vangaveltum kom hugmyndin að nota dvergatal Völuspár og Snorra Eddu og dusta rykið af fornum sagnaheimi og færa til nútíðar. Utan um þennan hugarheim rís Heimskautsgerðið á Melrakkaási við Raufarhöfn

Heimskautsgerðið er um 50 metrar í þvermál, 6 metra há hlið vísa til höfuðáttanna. Í miðju hringsins er 10 metra há súla á fjórum stöplum, sem áform eru uppi um að skarti kristaltoppi sem brýtur sólarljósið og varpar geislum sólar um allt Gerðið. Fjórir skúlptúrar eru inní Gerðinu hvert með sínu sniði. Pólstjörnubendir sem vísar á Pólstjörnuna. Hásæti sólar þar sem birtan í ákveðinni stöðu boðar sumarkomu. Geislakór er rými á milli hárra stöpla þar sem hægt verður að setjast niður, tæma hugann og endurnýja orku sína. Altari elds og vatns sem virkjar frumkraftana.

Inni Gerðinu verður árhringur dverga, steinar sem hver um sig tákna ákveðinn dverg. Þessir dvergar eru alls 72 talsins og er getið í íslenskum fornbókmenntum. Með þeim fjölda á hver dvergur sitt "vik" í árinu, ef miðað er við 5 daga viku. Með því að tengja nöfn dverganna við árstíðir, eins og til dæmis nafnið Vetrarfaðir á fyrsta vetrardag þá ganga nöfnin upp eftir því hvar í árinu þeir lenda sem myndar 72 vikur. Árhringur dverga er þannig orðinn einskonar almanak, þar sem hver dvergur ræður 5 dögum. Til dæmis Várkaldur í viku vors, Bjartur í viku sumars þegar nætur eru bjartar og Dvalinn í haustviku þegar allt leggst í dvala fyrir veturinn. Enginn hefur getað útskýrt tilurð eða hlutverk dverganna í Völuspá nema þeirra Austra, Vestra, Norðra og Suðra, sem halda uppi himninum. Í hugmyndafræði Heimskautsgerðisins hefur öllum dvergum verið gefið hlutverk og þeir verið persónugerðir. Þannig er hægt að tengja dvergana við afmælisdaga og mynda tengsl við þá. Dvergarnir eru svo hluti af tímabilum goðanna sem eru gömlu mánuðirnir. Þegar á árið er litið sést að það eru 6 dvergar sem tilheyra hverjum (gamla) mánuði og hver mánuður tilheyrir ákveðnu goði. Hliðin, Austri, Vestri, Norðri og Suðri, á milli stöplanna vísa mót höfuðáttunum, þannig að miðnætursólin sést frá suðurhliði gegnum miðsúlu og norðurhlið, á sama hátt og sólarupprás sést frá vesturhliði í gegn um miðsúlu og austurhlið. Samspil ljóss og skugga sýnir eyktamörkin.
Nánari upplýsingar um hugmyndafræði Heimskautsgerðisins er að finna í skýrslu frá árinu 2005 sem liggur frammi í Kaffi Ljósvangi á Raufarhöfn

Heimskautsgerðið er 50 km frá Kópaskeri, 54 km frá Þórhöfn og 154 km frá Húsavík. Hér má sjá leiðina.

Náttúra
Ásbyrgi

Ásbyrgi er eitt helsta náttúruundur Íslands og er staðsett í Vatnajökulsþjóðgarði. Lagðir hafa verið göngustígar um svæðið og sett upp lítil upplýsingaskilti við þá. Í Ásbyrgi er mikið af fallegum gróðri og mikið fuglalíf. Það er upplifun fyrir alla fjölskylduna að virða fyrir sér tignarlega hamraveggi og njóta kyrrðarinnar. Það er ekki síður skemmtilegt að fara í Ásbyrgi á haustin, þar sem fallegir haustlitirnir setja skemmtilegan svip á þetta einstaka náttúruundur. Ásbyrgi er hluti af Demantshringnum sjáðu hann hér www.demantshringurinn.is

Náttúra
Melrakkaslétta

Melrakkaslétta er kunn fyrir hlunnindi, fiskveiðar, fjörubeit, æðarvarp, eggjatöku og gjöful veiðivötn. Þarna er einstök náttúrufegurð á vorin og sumarkvöldum og fjölskrúðugt fuglalíf. Af Rauðanúp er stórkostlegt útsýni og návígi við fuglalífið í dröngunum Karli og Kerlingu.

Nyrst á Sléttunni er Hraunhafnartangi, nyrsti hluti Íslands. Tveir kaupsstaðir eru á Melrakkasléttu, Raufarhöfn og Kópasker.

Saga og menning
Menningarmiðstöð Þingeyinga

Menningarmiðstöð Þingeyinga annast m.a. Byggðasafn Þingeyinga, Héraðsskjalasafn Þingeyinga, Ljósmyndasafn Þingeyinga, Náttúrugripasafn Þingeyinga og Myndlistasafn Þingeyinga. Höfuðstöðvar þess eru í Safnahúsinu á Húsavík en einnig annast MÞ rekstur Byggðasafnsins að Grenjaðarstað og að Snartarstöðum við Kópasker.

Saga og menning
Safnahúsið á Húsavík

Á aðalhæð Safnahússins á Húsavík er sýningin Mannlíf og Náttúra - 100 ár í Þingeyjarsýslum. Í sýningunni er fléttað saman náttúrugripum og munum úr byggðasafni Þingeyinga svo úr verður einkar athyglisverð sýning þar sem gestir upplifa sterkt samspil manns og náttúru í Þingeyjarsýslum á tímabilinu 1850 til 1950. Á jarðhæðinni er svo fastasýning sjóminjasafnsins en hún var opnuð í apríl 2002. Sýningin gefur glögga mynd af þróun útgerðar og bátasmíði í Þingeyjarsýslum allt frá árabátaöldinni fram til vélbátaútgerðar. Tvær sérsýningar eru að jafnaði í húsinu, myndlist, saga, ljósmyndir eða annað áhugavert efni.

Náttúra
Jökulsárgljúfur

Jökulsárgljúfur tilheyra Vatnajökulsþjóðgarði og umhverfi þeirra hafa heillað margan ferðalanginn. Fossasamtæða Jökulsár á Fjöllum með Selfoss, Dettifoss, Hafragilsfoss og Réttarfoss á sér fáa líka á jörðinni. Stórkostlegt umhverfi Jökulsárgljúfra er mótað af vatni, eldum og ís. Gífurleg hamfarahlaup eru talin hafa myndað og mótað gljúfur, gil, klappir og byrgi. Frægust þeirra er Ásbyrgi.

Náttúra
Dettifoss

Dettifoss er aflmesti foss í Evrópu. Hann er 44 metra hár og rúmlega 100 m breiður foss í Jökulsá á Fjöllum sem er hluti af Vatnajökulsþjóðgarði. Þeir eru ófáir, staðirnir eins og þessi, þar sem maður upplifir smæð mannsins eins skýrt og við þennan mikilfenglega foss.
Frá vegi 85 liggur vegur 864 framhjá Dettifossi austanverðum að þjóðvegi 1. Vegur 864 er malarvegur og þarf ökuhraði að miðast við aðstæður hverju sinni. Vegurinn lokast í byrjun október og er opnaður seinnihlutann í maí.

Vestanmegin Jökulsár er vegur 862. Hann er fær öllum bílum að Dettifossi. Athugið að hluti af þessum vegi var áður flokkaður sem fjallvegur (frá Vesturdal að Dettifoss) en frá og með 2011 er vegurinn skilgreindur sem malarvegur og því fær öllum bílum. Vegfarendur þurfa þó að miðað ökuhraða við ástand vegarins hverju sinni.

Vegurinn lokast í byrjun október og er opnaður í lok maí/byrjun júní. Frá Dettifossi og áfram suður að þjóðvegi 1 er nýr, malbikaður vegur. Athuga þarf að þessi vegur er ekki í þjónustu frá 1.janúar til 30. mars. Dettifoss er hluti af Demantshringnum sjáðu hann hér www.demantshringurinn.is

Leita
Finnur þú það ekki? Prófaðu leitina :)
Sjá lista Sjá kort

Norðurland

Þéttbýliskjarnar

Á Norðurlandi eru fjölmargir áhugaverðir bæir, stórir og smáir, þar sem mannlíf og atvinnulíf er fjölbreytt. Hver bær hefur sín sérkenni en öllum er sameiginlegt að taka vel á móti gestum. Fjölbreytt gisting, góðir veitingastaðir, blómstrandi menning og möguleikar til útivistar og afþreyingar eru alls staðar fyrir hendi. 

Skoðunarferðir um bæina eru því bæði skemmtilegar og fræðandi.

Skoða meira

Map Akureyri Hrafnagil Grímsey Raufarhöfn Kópasker Þórshöfn Bakkafjörður Húsavík Mývatn Laugar Svalbarðseyri Grenivík Hjalteyri Hauganes Árskógssandur Dalvík Hrísey Ólafsfjörður Siglufjörður Hofsós Hólar Varmahlíð Sauðárkrókur Skagaströnd Blöndós Hvammstangi Laugarbakki Borðeyri