Leita
Finnur þú það ekki? Prófaðu leitina :)

Þórshöfn

Hjarta Þórshafnar slær í takt við sjávarföllin, þar hefur útgerð og fiskvinnsla verið aðalatvinnuvegurinn í gegnum tíðina. Því er einstaklega gaman að rölta niður að höfn og jafnvel kíkja á veitingahúsið Báran, sem meðal annars á fjölbreyttum matseðli býður upp á kúffisksúpu. Eða fara í sund í glæsilegri íþróttamiðstöð, þar sem upplýsingamiðstöðin er staðsett. Ekki má gleyma að Þórshöfn er anddyrið að ævintýraheimi Langaness. Þjónusta á Þórshöfn er mjög góð, þar er heilsugæsla, verslun, veitingastaður, íþróttahús, sundlaug, sparisjóður, bensínstöð, bílaverkstæði, gistihús o.fl. Einnig er þar tjaldsvæði með aðstöðu fyrir húsbíla. Samgöngur til Þórshafnar eru orðnar prýðilegar með nýjum vegi yfir Hófaskarð. Einnig er flogið til Þórshafnar alla virka daga.

Com_239_1___Selected.jpg
Þórshöfn
GPS punktar N66° 11' 52.196" W15° 19' 44.072"
Póstnúmer

680,681

Fólksfjöldi

380

Þórshöfn - ferðaupplýsingar

Úr gagnagrunni Ferðamálastofu Íslands

Aðrir

ÞÓRSHÖFN KAYAK
Ferðaskipuleggjendur
  • Eyrarvegur 3
  • 680 Þórshöfn
  • 468-1250
Fræðasetur um forystufé
Söfn
  • Svalbarð
  • 681 Þórshöfn
  • 852-8899
Sauðaneshús á Langanesi
Söfn
  • Sauðanes
  • 681 Þórshöfn
  • 468-1430, 468-1220

Aðrir

Gistiheimilið Grásteinn
Gistiheimili
  • Holt
  • 681 Þórshöfn
  • 895-0834

Aðrir

Fræðasetur um forystufé
Söfn
  • Svalbarð
  • 681 Þórshöfn
  • 852-8899
N1 - Þjónustustöð
Kaffihús
  • Fjarðarvegur 2
  • 680 Þórshöfn
  • 468 1174
Saga og menning
Sauðaneshús

Kirkjustaðurinn Sauðanes er á Langanesi 7 km norðan við Þórshöfn. Sauðanes er fornfrægur kirkjustaður, höfuðból og menningarsetur.
Prestsbústaðurinn að Sauðanesi (Sauðaneshús) var byggður 1879 úr höggnum grásteini en endurbygging þess stóð frá 1991 - 2003. Gamla prestshúsið er elsta steinhús í Þingeyjarsýslum og er gert úr steini er fluttur var langt að og tilhöggvinn á staðum. Gamla húsinu hefur verið komið í upprunalegt horf og er þar til húsa minjasýning, upplýsingaþjónusta fyrir ferðamenn auk veitingasölu. Til sýnis eru munir frá Langanesi og nágrenni. Sauðaneshús er hluti af húsasafni Þjóðminjasafns Íslands.
Talið er að kirkja hafi staðið á Sauðanesi allt frá 12. öld , en núverandi kirkja var byggð árið 1889 og er í endurbyggingu.

Saga og menning
Skálar á Langanesi

Skálar á Langanesi- þorp sem einu sinni var.
Í þorpinu á Skálum á Langanesi er að finna minjar um líf sem einu sinni var. Hér stóð blómlegt þorp þar sem íbúarnir byggðu afkomu sína á útgerð. Breyttar aðstæður í útgerð og samgöngum, tundurduflasprengingar og ýmislegt fleira varð til þess að á sjötta áratug síðustu aldar lagðist byggðin hér af.
Inn í sögu þorpsins fléttast áhrif hlunninda á búsetu, síðari heimsstyrjöldin, breytingar á samgöngum, örlög einstakra fjölskyldna og margt fleira.

Myndarlegur bæklingur um Skála fæst í upplýsingamiðstöð á Þórshöfn. Hann er til þess ætlaður að fólk geti gengið með hann um þorpið, skoðað þær minjar sem hér eru og fræðst um leið. Margar rústanna eru merktar með númeri og nafni.

Náttúra
Stóri- Karl

Á klettadranginum Stóra-Karli undir Skoruvíkurbjargi er annað mesta súluvarp landsins. Súlan er einkar tignarlegur fugl og stundum nefnd drottning Atlantshafsins . Hrífandi er að liggja á bjargbrúninni og virða fyrir sér súluvarpið þar sem súlan svífur um í óendanleika himins og hafs. Í Stóra-Karli hafa líka búsetu aðrir bjargfuglar svo sem langvía, rita, fýll og fleiri tegundir.

Náttúra
Rauðanes

Rauðanes í Þistilfirði er falleg og sérstæð náttúruperla. Um nesið er merkt gönguleið sem er um 7 km, liggur í hring og er auðfarin. Á nesinu er lyngmór allsráðandi en einnig er þar nokkurt graslendi.
Í byrjun gönguleiðarinnar er gengið fram á Háabjarg sem er um 60 metra hátt og í því sést hvernig berglögin hafa hlaðist hvert ofan á annað í aldanna rás. Útsýni af nesinu er mjög víðfeðmt.

Norðurland

Þéttbýliskjarnar

Á Norðurlandi eru fjölmargir áhugaverðir bæir, stórir og smáir, þar sem mannlíf og atvinnulíf er fjölbreytt. Hver bær hefur sín sérkenni en öllum er sameiginlegt að taka vel á móti gestum. Fjölbreytt gisting, góðir veitingastaðir, blómstrandi menning og möguleikar til útivistar og afþreyingar eru alls staðar fyrir hendi. 

Skoðunarferðir um bæina eru því bæði skemmtilegar og fræðandi.

Skoða meira

Map Akureyri Hrafnagil Grímsey Raufarhöfn Kópasker Þórshöfn Bakkafjörður Húsavík Mývatn Laugar Svalbarðseyri Grenivík Hjalteyri Hauganes Árskógssandur Dalvík Hrísey Ólafsfjörður Siglufjörður Hofsós Hólar Varmahlíð Sauðárkrókur Skagaströnd Blöndós Hvammstangi Laugarbakki Borðeyri