Leita
Finnur þú það ekki? Prófaðu leitina :)

Nýtt kynningarmyndband fyrir Norðurland

Í sumar hefur Markaðsstofan unnið hörðum höndum að því að setja saman kynningarmyndband um Norðurland, sem sýnir allt það helsta sem er í boði í ferðaþjónustu í landshlutanum. Myndbandið var unnið í samstarfi við Tjarnargötuna og fyrirtæki á Norðurlandi.

Markmiðin með myndbandinu eru margþætt, en aðalmarkmiðið er að sýna það hversu margt er hægt að gera hér, sjá og upplifa. Þetta er í takt við ímyndarbæklinginn sem Markaðsstofan gaf út í byrjun ársins, þar sem áhersla er lögð á fjölbreytileika landshlutans en um leið eru lykilatriði dregin fram.  Innviðir eru heilt yfir mjög góðir, möguleikar í gistingu miklir og úrval veitingastaða í landshlutanum er gríðarlegt.  Með myndbandinu vill Markaðsstofan sýna það enn betur en áður og undirstrika að Norðurland er eftirsóknarverður áfangastaður.

Myndbandið er komið inn bæði á Facebook og Youtube, auk þess sem styttra brot er komið inn á Instagram. Við hvetjum alla til þess að deila þessu myndbandi á sínum samfélagsmiðlum og nota það til að kynna landshlutann í sínu markaðsstarfi. 


Norðurland

Þéttbýliskjarnar

Á Norðurlandi eru fjölmargir áhugaverðir bæir, stórir og smáir, þar sem mannlíf og atvinnulíf er fjölbreytt. Hver bær hefur sín sérkenni en öllum er sameiginlegt að taka vel á móti gestum. Fjölbreytt gisting, góðir veitingastaðir, blómstrandi menning og möguleikar til útivistar og afþreyingar eru alls staðar fyrir hendi. 

Skoðunarferðir um bæina eru því bæði skemmtilegar og fræðandi.

Skoða meira

Map Akureyri Hrafnagil Grímsey Raufarhöfn Kópasker Þórshöfn Bakkafjörður Húsavík Mývatn Laugar Svalbarðseyri Grenivík Hjalteyri Hauganes Árskógssandur Dalvík Hrísey Ólafsfjörður Siglufjörður Hofsós Hólar Varmahlíð Sauðárkrókur Skagaströnd Blöndós Hvammstangi Laugarbakki Borðeyri