Leita
Finnur þú það ekki? Prófaðu leitina :)

Matarstígur í Eyjafjarðarsveit

foodtrail.jpg
Matarstígur í Eyjafjarðarsveit

Í Eyjafjarðarsveit er hægt að taka þátt í frábærri matarupplifun með heimamönnum. Matarflóran í þessari blómlegu sveit er mjög fjölbreytt. Hægt er að smakka og kaupa íslenskar afurðir eins og nautakjöt, lambakjöt, papriku, egg, kartöflur, heimalagaðan ís og ekta hunang. Veitingastaðir og kaffihús á svæðinu leggja sig fram við að nýta hráefnið sem best úr firðinum. Ferðaþjónustuaðilar hafa stofnað svokallaðan matarstíg. Með honum viljum við varðveita og kynna matvælaframleiðslu og matarmenningu á svæðinu, auka þekkingu á framleiðslunni og skapa tækifæri fyrir bændur til að fullvinna afurðir sínar. Lautarferðakarfa er afrakstur samvinnu bænda og ferðaþjónustuaðila. Í henni er að finna afurðir frá sjö bændum. Einnig eru haldnir hinir ýmsu matartengdu viðburðir  þar sem gestir geta smakkað og fræðst um framleiðsluna á svæðinu. Á sumrin er haldin skemmtilegur og lifandi matarmarkaður á Hrafnagili.

Norðurland

Þéttbýliskjarnar

Á Norðurlandi eru fjölmargir áhugaverðir bæir, stórir og smáir, þar sem mannlíf og atvinnulíf er fjölbreytt. Hver bær hefur sín sérkenni en öllum er sameiginlegt að taka vel á móti gestum. Fjölbreytt gisting, góðir veitingastaðir, blómstrandi menning og möguleikar til útivistar og afþreyingar eru alls staðar fyrir hendi. 

Skoðunarferðir um bæina eru því bæði skemmtilegar og fræðandi.

Skoða meira

Map Akureyri Hrafnagil Grímsey Raufarhöfn Kópasker Þórshöfn Bakkafjörður Húsavík Mývatn Laugar Svalbarðseyri Grenivík Hjalteyri Hauganes Árskógssandur Dalvík Hrísey Ólafsfjörður Siglufjörður Hofsós Hólar Varmahlíð Sauðárkrókur Skagaströnd Blöndós Hvammstangi Laugarbakki Borðeyri