Local Food - Matarhátíð á Norðurlandi

Gisting

acw-hvammstangi-hauganes-72.jpg
Gisting

Á Norðurlandi ættu allir að geta fundið gistingu við sitt hæfi. Þar eru mörg hótel af ýmsum stærðum og fjöldi annarra gistihúsa og gististaða, t.d. heimavistir skóla, bændagisting bæði í sérhúsum og í herbergjum á heimilum bænda.
 
Tjaldsvæði eru fjölmörg og víða hefur verið lögð mikil vinna í uppbyggingu góðra tjaldsvæða með fjölbreyttri þjónustu. Ágæt tjaldsvæði eru í flestum þéttbýliskjörnum en þau er einnig að finna við vinsæla náttúrustaði eða nálægt þjóðvegum.

Fjallaskálar

Fjallaskálar geta verið sérstaklega áhugaverðir og skemmtileg upplifun. Á hálendi Íslands eru fjallakofar og skálar helstu gistimöguleikarnir og eru þeir mismunandi eins og þeir eru margir. Yfirleitt er svefnpokagisting í boði í þessum skálum.  

Íbúðir

Íbúðagisting er hentugur valkostur fyrir þá sem gjarnan vilja vera út af fyrir sig, elda sjálfir og komast í nánari snertingu við heimamenn. Hægt er að velja úr íbúðagistingu í ýmsum verðflokkum. 

Farfuglaheimili og Hostel

Einfalt og ódýrt sem hentar vel þeim sem vilja ekki eyða of miklu í gistingu. Hér er lögð áhersla á að fólk bjargi sér sjálft og með því móti er hægt að halda verðinu í lágmarki. Oft er hægt að leigja 2-6 manna herbergi og eru hreinlætisaðstæður góðar. Fín aðstaða til að elda sinn eigin mat og oft er boðið uppá sameiginlegt rými þar sem fólk getur setið og spilað, lesið eða horft á sjónvarpið.
Farfuglaheimili eru sérstaklega vinsæl hjá yngra fólki sem kýs einfaldan ferðamáta.

Bændagisting

Gisting á bóndabæ er alveg sérstök upplifun og færir gesti nær fólkinu í landinu. Bændur lifa og starfa í mikilli nánd við náttúru landsins og búa yfir ýmsum fróðleik og skemmtilegum sögum úr sínu nærumhverfi. Að gista á bóndabæ er eitthvað sem allir ættu að prófa

Glamping lúxustjöld

Gisting fyrir þá sem vilja tvinna saman nútíma þægindi og gömlu góðu tjaldútileguna. Þú nýtur flestra þæginda sem finna má á hótelherbergi, en upplifir á sama tíma sjarmann af því að gista úti í guðs grænni náttúrunni. Skemmtileg tilbreyting frá hefðbundnari gistingu.

Gistiheimili

Um allt Norðurland er að finna mikinn fjölda gistiheimila af ýmsum stærðum og gerðum. Gistiheimili bjóða oftast upp á ódýrari gistingu en hótel, enda aðrar kröfur gerðar til þeirra. Gistiheimili eru engu að síður frábærir gististaðir sem bjóða upp á persónulega þjónustu.

Tjaldsvæði

Það eru fjölmörg tjaldstæði um allt Norðurland, flest opin frá maí og fram í september. Hægt er að mæta með gamla góða tjaldið og upplifa alvöru útilegustemmningu. Aðrir kjósa að vera með fellihýsi, hjólhýsi eða húsbíl. Hvað sem verður fyrir valinu þá myndast alltaf skemmileg stemmning á tjaldsvæðum. Yfirleitt eru aðstæður skemmtilegar fyrir fjölskyldufólk og hreinlætisaðstæður góðar. Það er líka svo gaman að kynnast nýju fólki á ferð um fallega landið okkar og skiptast á sögum úr ferðalaginu. 

Heimilt er að tjalda til einnar nætur á óræktuðu landi. Landeigendur þurfa að gefa til kynna undantekningar á þeirri reglu með merkingum. Af tillitssemi við landið og eigendur þess ættu menn þó að nýta sér merkt tjaldsvæði verði því við komið og ekki tjalda nærri bæjum án leyfis. Hópum ber undantekningarlaust að ráðfæra sig við rétthafa lands ef þeir hyggjast slá upp tjaldbúð utan merktra tjaldsvæða.

Óheimilt er að tjalda innan þéttbýlis, utan tjaldsvæða.

Svefnpokagisting

Mörg gistiheimili, einfaldari hótel, farfuglaheimili og aðilar sem reka bændagistingu, bjóða upp á svefnpokapláss, en það er ódýrara en uppábúið rúm.

Hótel

Fyrir þá sem vilja gera vel við sig og kaupa gistingu með fullri þjónustu og þægindum, þá er hótel rétti kosturinn. Á Norðurlandi er fjöldinn allur af hótelum í ýmsum verð- og gæðaflokkum, þannig að flestir ættu að geta fundið eitthvað við sitt hæfi. 

Heimagisting

Heimagisting felur í sér meiri nánd við gestgjafa og oft mjög persónulega þjónustu. Ýmsir mismunandi kostir eru í boði í heimagistingu á Norðurlandi. Ef þú ert að leita eftir einhverju öðruvísi, þá gæti heimagisting verið áhugaverður kostur að skoða.

Vetrarþjónusta við campera / húsbíla

Víða á Norðurlandi má nú finna þjónustu við húsbíla sem opin er allt árið. Það er því ekki bara yfir hásumarið sem hægt er að ferðast um Norðurland á húsbíl, heldur er líka hægt að upplifa vorkomuna, haustlitina og ótrúlegt úrval vetrarafþreyingar.

Sumarhús

Sumarhús hafa alltaf verið vinsæll kostur hjá Íslendingum þegar ferðast er um landið. Það er notarlegt að koma inní heitan sumarbústað eftir skoðunarferð dagsins, kveikja upp í grillinu og láta jafnvel renna í pottinn ef hann er til staðar. Njóta kyrrðarinnar í fallegu umhverfi.
Aðstæður í sumarhúsum eru mismunandi en það er sérstaklega hentug að leigja stórt sumarhús þegar fleiri ferðast saman.

Leita
Finnur þú það ekki? Prófaðu leitina :)