Local Food - Matarhátíð á Norðurlandi

Farfuglaheimilið á Dalvík

Dalvík hostel og Vegamót smáhýsi.

Við rekum fjölskyldufyrirtæki á Dalvík þar sem við bjóðum mismunandi gistingu auk þess að reka kaffihús Bakkabræðra, Gísli, Eiríkur, Helgi.

Gistingin sem við bjóðum er þessi:

Þrjú 15 ferm. smáhýsi á Dalvík, hvert með hjónarúmi og svefnsófa/stöku rúmi, einfaldri eldhúsaðstöðu með tveimur eldarvélarhellum, ísskáp og flestum tólum og tækjum til einfaldrar matargerðar. Snyrting með vaski en ekki sturta, gestir smáhýsanna fá frían aðgang í Sundlaug Dalvíkur sem er í aðeins 250m fjarlægð. Heitur pottur og tunnusána í garðinum. Gisting gæti hentað 3 fullorðnum eða fjölskyldu með 1 - 2 börn. Frítt þráðlaust internet. Staðsett við suður innkeyrsluna á Dalvík, gegnt Olís.

Sjá nánar

Gamli bærinn á Dalvík er 30 ferm. 107 ára gamalt hús með sögu. Það er uppgert í upprunalegum stíl og er vinalegur og rómantískur staður til að gista á. Eldhús, snyrting með sturtu, stofa, frítt þráðlaust internet. Heitur pottur og tunnusána í garðinum (samnýtt með gestum smáhýsanna). Tvíbreitt rúm í stofu, dýnur á lofti. Gisting ætluð mest 4 fullorðnum en mögulega fleirum ef um er að ræða fjölskyldu með yngri börn. Staðsett við suður innkeyrsluna á Dalvík, gegnt Olís.

Sjá nánar

Gimli hostel á Dalvík er tveggja hæða hús með 7 herbergjum, (einstaklingsherbergi, tveggja manna herbergi, þrjú þriggja manna og svo fimm manna og sex manna herbergi). Þarna geta 20 manns gist. Sameiginlegar snyrtingar með sturtum, einfalt eldhús á neðri hæð, fullbúið eldhús með setustofa á efri hæð. Frítt þráðlaust internet og einnig tölva í setustofu. Huggulegt og fallega skreytt hús sem hefur hlotið lof gesta sem þar hafa gist. Vinsæll gististaður fjölskyldna og hópa sem leigja oft húsið í heilu lagi í vetrarfríum, á skíðamótum eða kring um páska og aðra hátíðis- og frídaga. Frábær staðsetning og aðstaða fyrir fjallaskíðahópa, gönguhópa. Staðsett í miðju bæjarins við aðalgötuna, Hafnarbraut 4.

Sjá nánar

Stutt er í alla hluti á Dalvík, matvöruverslun, vínbúð og fatahreinsun, Grímseyjarferjuna, Sundlaug Dalvíkur og byggðasafn, frábær hvalaskoðun bæði frá Dalvík og frá Hauganesi. Við rekum einnig skemmtilegt, kaffihús/bar Bakkabræðra Gísli, Eiríkur, Helgi að Grundargötu 1. Það er tileinkað Bakkabræðrum sem bjuggu á Bakka í Svarfaðardal en þar er að finna fróðleik um þá bræður og húsnæðið hannað með anda þeirra í huga. Sérstaklega vinsæll viðkomustaður fjallaskíðafólks mars - maí, fiskisúpa, bjórbrauð, salat, kaffi og kökur ásamt heimabjórnum Kalda! Við rekum einnig Ungó - leikhúsið/gamla bíóið á Dalvík sem er áfast kaffihúsinu, þar er aðstaða fyrir uppákomur og sýningar.

Sjá nánar

Skíðasvæðið okkar er aðeins um 800m frá miðju bæjarins! Á veturna erum við algjörlega miðsvæðis hvað varðar skíðaiðkun á svæðinu, rúmlega 30 km til bæði Akureyrar og Siglufjarðar ef gestir vilja fjölbreytni í skíðaiðkun sinni. Vinsæll viðkomustaður fjallaskíðafólks alls staðar úr heiminum.

Hægt er að bóka alla gistingu með því að heimsækja heimasíðuna okkar eða hafa samband með tölvupósti: vegamot@vegamot.net eða með því að hringja í síma 699 6616.

Farfuglaheimilið á Dalvík

Vegamót

GPS punktar N65° 58' 2.798" W18° 31' 49.858"
Vefsíða www.vegamot.net
Opnunartími Allt árið

Farfuglaheimilið á Dalvík - ferðaupplýsingar

Úr gagnagrunni Ferðamálastofu Íslands

Aðrir

Bruggsmiðjan
Sýningar
  • Öldugata 22
  • 621 Dalvík
  • 861-3007
Golfklúbbur Fjallabyggðar
Golfvellir
  • Skeggjabrekka
  • 625 Ólafsfjörður
  • 466-2611
VisitHrisey.is
Gistiheimili
  • Norðurvegur 17
  • 630 Hrísey
  • 898-9408
Ævar og Bóas ehf.
Ferðasali dagsferða
  • Sandskeið 14
  • 620 Dalvík
  • 898-3345, 466-1597
Arctic See Angling and Hunting
Ferðasali dagsferða
  • Böggvisbraut 6
  • 620 Dalvík
  • 663-8828
Golfklúbburinn Hamar
Golfvellir
  • Arnarholti Svarfaðardal
  • 620 Dalvík
  • 466-1204
Náttúra
19.90 km
Tröllaskagi

Tröllaskagi er gríðarmikið fjalllendi, allt að 120 km langt og 60 km breitt, milli Skagafjarðar og Eyjafjarðar. Tröllaskagi nýtur vaxandi vinsælda sem útivistarsvæði, bæði gangandi og ríðandi ferðamanna og ekki síst sem vetrarparadís.
Margir tindar á Tröllaskaga ná yfir 1200 m.y.s., en hæst er Kerling (1538 m). Nokkrir litlir jöklar eru einnig í fjöllum og dölum. Margar fornfrægar gönguleiðir eru yfir Tröllaskaga, s.s. Heljardalsheiði, Hjaltadalsheiði, Hólamannavegur, Svarfdælaleið og Tungnahryggsleið.

Saga og menning
17.81 km
Náttúrugripasafn Fjallabyggðar

Náttúrugripasafn Fjallabyggðar er fyrst og fremst fuglasafn og þykir mjög gott sem slíkt. Safnið býr yfir allflestum fuglategundum landsins, en einnig er þar að finna eggjasafn, vísi að plöntusafni, ísbjörn sem skotinn var á Grímseyjarsundi, refi í greni, geithafur, krabba og fleira.
Náttúrugripasafni Fjallabyggðar var komið upp árið 1993 og hefur vaxið stöðugt síðan. Ari Albertsson fuglaáhugamaður stoppaði upp megnið af fuglum safnsins og sá um uppsetningu þess. Þá gáfu afkomendur Jóns Sigurjónssonar og Birnu Finnsdóttur frá Ytri-Á á Kleifum safninu eggja og fuglasafn þeirra hjóna.
Safnið er opið alla daga á sumrin nema mánudaga frá kl. 14-17. Hægt er að semja um opnun utan þessa tíma fyrir hópa.

Náttúra
0.54 km
Fjaran á Dalvík

Í Dalvíkurhöfn er lítil trébrú þar sem hægt er að komast að svartri sandströnd. Hægt er að ganga að Svarfaðardalsá. Takið ykkur tíma, stoppið og fylgist með fjölbreyttu fuglalífi á leiðinni.

Náttúra
19.40 km
Fjaran á Ólafsfirði

Hægt er að leggja bílnum í bænum og fara í göngutúr að fallegri svartri strönd, gengið er í átt að Kleifum. Einnig er hægt að komast að ströndinni á bíl en verið viss um að leggja á afmörkuð bílastæði.

Aðrir

Náttúrugripasafn Fjallabyggðar
Söfn
  • Aðalgata 14
  • 625 Ólafsfjörður
  • 466-2651, 848-4071
Bruggsmiðjan
Sýningar
  • Öldugata 22
  • 621 Dalvík
  • 861-3007
Menningarhúsið Tjarnarborg
Setur og menningarhús
  • Aðalgata 13
  • 625 Ólafsfjörður
  • 853-8020, 466-2188

Aðrir

Basalt Bistro
Veitingahús
  • Goðabraut
  • 620 Dalvík
  • -
Tomman
Veitingahús
  • Hafnarbraut 21
  • 620 Dalvík
  • 466-1559
Olís - Þjónustustöð
Bensínstöð
  • Bylgjubyggð 2
  • 625 Ólafsfjörður
  • 466-2272
Höllin
Veitingahús
  • Hafnargata 16
  • 625 Ólafsfjörður
  • 466-4000, 868-7788
Olís - Þjónustustöð
Bensínstöð
  • Skíðabraut 21
  • 620 Dalvík
  • 466-1832
Gregors
Veitingahús
  • Goðabraut 3
  • 620 Dalvík
  • 466-1213, 847-8846
Þula Café
Kaffihús
  • Goðabraut
  • 620 Dalvík
  • 823-8616
Syðri-Hagi
Bændagisting
  • Syðri-Hagi, Árskógsströnd
  • 621 Dalvík
  • 849-8934 (eftir kl. 15), 866-7968, 841-9048
Leita
Finnur þú það ekki? Prófaðu leitina :)