Local Food - Matarhátíð á Norðurlandi

Hestaleigan Langhúsum

OPIÐ árið um kring.


1-6 klukkutíma túrar með reiðkennslu innifalinni (ef fólk er lítið vant eða byrjendur) - sértilboð sumarið 2020.


Hrossabúið Langhús er staðsett í Fljótum, á miðju Norðurlandi, miðsvæðis milli Sauðárkróks, Hofsóss, Siglufjarðar og Ólafsfjarðar. Við bjóðum upp á klæðskerasniðna útreiðartúra, 1-6 klukkutíma langa, og höfum úr ýmsum leiðum að velja, eftir árstíma og eftir smekk og getustigi gesta okkar. Fljótin eru falleg sveit, margir grösugir dalir sem kúra milli brattra hárra fjalla. Reiðleiðir okkar liggja niður á strönd, um dalina, fjallshlíðarnar, einnig við stöðuvatnið Hópsvatn. Við bjóðum upp á reiðtúra fyrir bæði byrjendur og vana, bæði börn og fullorðna,og við höfum gæðahesta fyrir allra smekk. Við leggjum áherslu á sveigjanleika, að hafa gaman af þessu, persónulega leiðsögn heimamanns, og öryggi gesta okkar. Við höfum líka góða barnahesta, og höfum sérstaklega gaman af að gera eitthvað skemmtilegt með börnum og fjölskyldufólki. Reiðtúrinn er farinn á þeim hraða, lengd og erfiðleikastigi sem er skemmtilegt fyrir þig, á hestum sem hæfa getustigi þínu. Þú getur fengið tilsögn og lært meira í hestamennsku, og svo ferðu ferðina með einu okkar hjónanna að Langhúsum, semsagt bónda úr sveitinni sem leiðsögumanni/konu. Þú getur því kynnst ýmsu um náttúruna hér, menninguna, hvernig líf okkar er hér í sveitinni, og hvernig náttúrufar og landslag hefur mótað okkar kæra íslenska hest. Hross eru áhugamál allrar fjölskyldunnar á bænum, við erum það heppin að vinna við dýrin sem eru gleði okkar í lífinu. Við hjónin á bænum höfum bæði lokið námi í hrossarækt og þjálfun á Hólaskóla, við ræktum hross, temjum hross, þjálfum hross, rekum reiðskóla og höldum fjölskylduhestunum í góðri þjálfun fyrir allt það skemmtilega sem við brösum í hestamennskunni: Hestaferðir, göngur og alls kyns vinnu og leik. Hrossin eru hæfileikarík og ættgóð, bakgrunnurinn er pottþéttur, og við bjóðum þér að koma með í reiðtúr.

Við höfum rekið hrossatengda þjónustu fyrir fólk úr öllum heimshornum síðan 1997, og selt hross til 15 landa.


Meiri upplýsingar og myndir á vefsíðu okkar http://icelandichorse.is/, eða í síma 8478716 eða 8654951 eða með því að senda skilaboð á Facebook á Arnþrúður Heimisdóttir. Við bjóðum upp á sértilboð og góð afsláttarkjör sumarið 2020. Handhafar gjafabréfsins frá ríkisstjórninni geta nýtt það sem innborgun í skemmtilegan reiðtúr hjá okkur.


Við tölum reiprennandi íslensku, ensku og dönsku, og höfum gjarnan þýskumælandi aðstoðarmann á sumrin.


Við hlökkum til að fá ykkur í heimsókn.

Hestaleigan Langhúsum

Langhús

GPS punktar N66° 3' 39.085" W19° 7' 17.479"
Sími

847-8716

Opnunartími Allt árið

Hestaleigan Langhúsum - ferðaupplýsingar

Úr gagnagrunni Ferðamálastofu Íslands

Aðrir

Lambanes-Reykir
Gistiheimili
  • Brúnastaðir, Fljótum
  • 570 Fljót
  • 467-1020, 869-1024
Ferðaþjónustan Brúnastöðum
Sumarhús
  • Brúnastaðir, Fljót
  • 570 Fljót
  • 869-1024
Deplar Farm
Hótel
  • Deplar
  • 570 Fljót
  • 349-7761
Ferðaþjónustan Sólgörðum
Gistiheimili
  • Sólgarðar
  • 570 Fljót
  • 867-3164
Gistihúsið Gimbur
Gistiheimili
  • Reykjarhóll
  • 570 Fljót
  • 899-3183
Leita
Finnur þú það ekki? Prófaðu leitina :)