Stafræna hliðin með Rögnvaldi Má

Næstu mánuði verður hægt að bóka 30-45 mínútna fjarfundi með Rögnvaldi Má Helgasyni, verkefnastjóra útgáfu og almannatengsla, þar sem samstarfsfyrirtæki geta sótt sér þekkingu á gagnagrunni Ferðamálastofu, fræðst um mikilvægi upplýsinga á heimasíðum og samspili þeirra við samfélagsmiðla.

Öll samstarfsfyrirtæki MN þurfa að vera skráð í gagnagrunn Ferðamálastofu og þau geta sjálf gert uppfærslur á skráningunni, sett inn sérstaka texta fyrir mismunandi þjónustuflokka og sömuleiðis myndir.

Sérstakt skráningarform má nálgast hér að neðan, þar sem hægt er að óska eftir fundi með Rögnvaldi sem skipuleggur fund með viðkomandi í framhaldinu.

Að sjálfsögðu er einnig alltaf hægt að senda honum tölvupóst á rognvaldur@nordurland.is eða slá á þráðinn í síma 868-0799.