Þjóðerni erlendra gesta
Gestir frá aðeins níu þjóðlöndum standa að baka þremur fjórðu allra gistinátta erlendra gesta á Norðurlandi, á árinu 2025. Skráðar gistinætur Bandaríkjamanna voru flestar, eða alls 167.273, eða um 19% allra skráðra gistinátta erlendra gesta. Þjóðverjar voru skráðir með tæp 17% (145.695) og Frakkar með tæp 9% (76.983).
ATH. Þegar skífuritið hér að neðan er skoðað er mælt með því að opna það á heilum skjá. Það er gert með því að smella á hnappinn efst í hægra horni myndarinnar og velja "allur skjárinn".
| Þjóðerni gesta: 2025 | Fjöldi gistinátta | Hlutfall |
| Bandaríkin | 167.273 | 18,8% |
| Þýskaland | 145.695 | 16,5% |
| Frakkland | 76.983 | 8,6% |
| Ítalía | 62.592 | 7,0% |
| Spánn | 53.942 | 6,1% |
| Bretland | 48.992 | 5,5% |
| Holland | 45.501 | 5,1% |
| Sviss | 35.654 | 4,0% |
| Kína | 30.969 | 3,5% |
| Önnur Asíulönd | 27.991 | 3,1% |
| Kanada | 24.390 | 2,7% |
| Pólland | 24.254 | 2.7% |
| Önnur þjóðlönd | 146.252 | 16,4% |
Myndin hér að neðan sýnir þróun gistináttafjölda erlendra gesta eftir þjóðernum 2017-2025. Aðeins eru skoðaðir fjölmennustu hóparnir. Hér má sjá að gistinætur gesta frá flestum landanna hafa náð sama fjölda á árinu 2023 og 2019, þ.e. náð sama fjölda og árið fyrir heimsfaraldur. Aðeins í tilfelli Bandaríkjamanna, Breta og Kínverja eru gistinætur færri árið 2023, en árið 2019 og er sú staða enn uppi ef horft er til áranna 2024 og 2025. Ef þróunin á síðustu tveimur árum tímabilsins, þ.e. 2023-2025, er skoðuð, má sjá að gestum frá meirihluta þjóðlandanna fjölgar. Ítölum, Spánverjum og Pólverjum fjölgar hlutfallslega mest af Evrópuþjóðunum. Einnig fjölgar Kanadamönnum umtæp 17% á tímabilinu.