Fréttir

Markaðsstofa Norðurlands og Samtök sveitarfélaga á Norðurlandi vestra (SSNV) hafa á undanförnum mánuðum unnið að verkefni sem miðar að því að byggja upp aðdráttarafl og leggja grunn að nýrri markaðssókn í ferðaþjónustu. Í verkefninu hefur verið unnið með samráðshópi hagaðila, skipuðum fulltrúum ferðaþjónustu á Norðurlandi vestra, Íslandsstofu og Háskóla Íslands á Hólum.

Fulltrúar Markaðsstofu Norðurlands sóttu tvo alþjóðlega ferðaviðburði í september: Norræna vinnustofu í Frankfurt og ferðakaupstefnuna Vestnorden í Grænlandi. Viðburðirnir gáfu gott tækifæri til að kynna Norðurland fyrir ferðaskrifstofum frá ólíkum mörkuðum og efla tengsl við erlenda samstarfsaðila.

Markaðsstofa Norðurlands og Íslandsstofa héldu vinnustofu fyrir samstarfsaðila Markaðsstofunnar í Hofi á Akureyri fimmtudaginn 17. september síðastliðinn. Vinnustofan var haldin í tilefni af nýrri markaðsherferð Íslandsstofu og var leidd af Daða Guðjónssyni, forstöðumanni markaðssamskipta hjá Íslandsstofu, sem hluti af verkefninu Ferðaþjónusta til framtíðar.

Í tilefni nýrrar herferðar Íslandsstofu býður Markaðsstofa Norðurlands, í samstarfi við Íslandsstofu samstarfsfyrirtækjum til vinnustofu um Bretlandsmarkað og sölumiðað markaðsstarf. Íslandsstofa leiðir vinnustofuna sem hluta af verkefninu Ferðaþjónusta til framtíðar og fer hún fram í Hofi á Akureyri fimmtudaginn 17. september frá kl 13 til 15.

Uppskeruhátíð ferðaþjónustunnar á Norðurlandi verður haldin á Norðurhjarasvæðinu fimmtudaginn 15. október næstkomandi.  Farið verður í heimsókn til fyrirtækja og á áhugaverði staði í nágrenni Kópaskers og Raufarhafnar og lýkur dagskránni með kvöldverði og skemmtun til miðnættis

Að kvöldi miðvikudagsins 12. ágúst 2026 gengur tunglið fyrir sólina yfir Íslandi. Á mjórri ræmu vestast á landinu — Vestfjörðum, Snæfellsnesi og Reykjanesi — hverfur dagsbirtan alveg um stutta stund. Norðurland er rétt utan þessarar ræmu, en það sem hér sést er engu að síður stórbrotið: sólin verður mjór sigð, birtan tekur á sig undarlegan og fagran blæ, og landslagið lítur um stund út eins og allt annar staður.

Talsverður vöxtur er í ferðaþjónustu á Norðurlandi, einkum í vetrarferðaþjónustu, og umtalsverðar fjárfestingar yfirstandandi eða í bígerð á svæðinu. Komufarþegum til Akureyrarflugvallar fjölgaði um 9,5% á síðasta ári og hafa aldrei verið fleiri, þá eru vísbendingar um að erlendir ferðamenn sem heimsækja Norðurland leiti sérstaklega í annars konar afþreyingu en ferðamenn sem koma um Keflavíkurflugvöll. Fjallað var um stöðu og horfur í ferðaþjónustu á Norðurlandi á ráðstefnunni „Segjum sögur af fjárfestingum“ sem Markaðsstofa Norðurlands stóð fyrir í vikunni.

Árið 2025 einkenndist af mikilli sókn fyrir ferðaþjónustuna á Norðurlandi. Markaðsverkefnin voru stór og á sama tíma hafin vinna við nokkur stór þróunarverkefni sem ætlað er að auka samkeppnishæfni áfangastaðarins.

Þriðjudaginn 26. maí var aðalfundur Markaðsstofu Norðurlands haldinn á Múlabergi á Akureyri. Kosið var um tvö laus sæti í stjórn, eitt sæti á Norðurlandi vestra og eitt á Norðurlandi eystra. Kjörtímabilið er tvö ár.

Signý Jónasdóttir hefur verið ráðin sem verkefnastjóri markaðsmála og miðlunar hjá Markaðsstofu Norðurlands, en starfið var auglýst í febrúar síðastliðnum. Verkefnastjóri vinnur í nánu samstarfi við ferðaþjónustuaðila og sveitarfélög á öllu Norðurlandi að þróun og markaðssetningu áfangastaðarins. Hún kemur til starfa hjá MN 1. júní.

Beint millilandaflug frá Akureyri hefur haft víðtæk samfélagsleg áhrif á Norður- og Austurland samkvæmt nýrri rannsókn Þórodds Bjarnasonar prófessors í félagsfræði við Háskóla Íslands. Skýrslan Samfélagsleg áhrif millilandaflugs á Norður- og Austurlandi kom út 8. maí 2026. Rannsóknin var unnin í samstarfi Háskóla Íslands og Markaðsstofu Norðurlands með stuðningi Sóknaráætlunar Norðurlands eystra, Sóknaráætlunar Austurlands og Rannsóknasjóðs Háskóla Íslands.