Það er að mörgu að huga þegar kemur að því að byggja upp og viðhalda góðum áfangastað. Hér finnur þú upplýsingar og gagnlegt efni fyrir sveitarfélög, landeigendur og aðra sem koma að uppbyggingu áfangastaða.

Framkvæmdasjóður ferðamannastaða

Framkvæmdasjóður ferðamannastaða fjármagnar framkvæmdir á ferðamannastöðum og ferðamannaleiðum í eigu eða umsjón sveitarfélaga og einkaaðila. Hlutverk sjóðsins er að stuðla að uppbyggingu, viðhaldi og verndun ferðamannastaða og ferðamannaleiða um land allt og styðja með því við þróun ferðaþjónustu sem mikilvægrar og sjálfbærrar stoðar í íslensku atvinnulífi. Það er jafnframt markmið sjóðsins að stuðla að jafnari dreifingu ferðamanna um landið og styðja við svæðisbundna þróun.

Styrkt verkefni verða að efla öryggi ferðamanna eða stuðla að náttúruvernd á ferðamannastöðum. Sjóðurinn getur styrkt allt frá undirbúnings- og hönnunarvinnu til framkvæmda og viðhalds. Rík krafa er á að umsóknir séu vel ígrundaðar og vandaðar, enda er um samkeppnissjóð að ræða. Umsóknarfrestur er að hausti ár hvert og úthlutun fer fram að vori.

Við mat á umsóknum er meðal annars horft til:

• Tengingar við áfangastaðaáætlun.
• Samræmis við svæðisbundna forgangsröðun.
• Áhrifa á öryggi, verndun og aðgengi.

Verkefni sem eru skilgreind í áfangastaðaáætlun fá aukið vægi í stigagjöf sjóðsins, sem undirstrikar mikilvægi þess að vinna uppbyggingu í samræmi við sameiginlega stefnu svæðisins.

Upplýsingasíða um Framkvæmdasjóð ferðamannastaða

Landsáætlun um innviði

Landsáætlun um uppbyggingu innviða til verndar náttúru og menningarsögulegum minjun er tólf ára áætlun á vegum Umhverfis- orku- og loftslagsráðuneytis. Framkvæmdaáætlun er sett fram á hverju ári til þriggja ára í senn. Hún nær til áfangastaða sem flestir heyra undir þjóðgarða, Náttúruverndarstofnun eða Minjastofnun. Stöku staðir á Landsáætlun eru í umsjá annarra aðila, á borð við Skógræktina eða Þjóðminjasafn Íslands. Fjármögnun tengd landsáætlun beinist því fyrst og fremst að:

• Sveitarfélögum.
• Ríkisstofnunum og öðrum opinberum aðilum.
• Öðrum umsjónaraðilum ferðamannastaða.

Verkefni sem falla að áherslum landsáætlunar og byggja á svæðisbundinni forgangsröðun standa almennt sterkari í samkeppni um fjármagn.

Upplýsingasíða um Framkvæmdasjóð ferðamannastaða

Leiðbeiningar og framkvæmd

Við uppbyggingu áfangastaða er mikilvægt að styðjast við viðurkennd verkfæri og leiðbeiningar. Þar má sérstaklega nefna: Handbók sveitarfélaga um uppbyggingu ferðamannastaða, sem tekur á skipulagi, hönnun, öryggi og aðgengi. Markaðsstofa Suðurlands, í samstarfi við Ferðamálstofu á veg og vanda að handbókinni og er efni bókarinnar byggt á samtölum við sveitarfélög og stofnanir um allt land.  Viðmið og áherslur sem lagðar eru til grundvallar úthlutun úr sjóðum á vegum Ferðamálastofu og Landsáætlunar.