Fara í efni

Eða prófaðu að leita eftir flokki og/eða staðsetningu

Árið 2024 verður hægt að ferðast með flugi frá Akureyri um allan heim. Breska flugfélagið easyJetf lýgur til London út mars og byrjar vetrarflugin að nýju í október. Edelweiss er með áætlunarflug yfir sumartímann til Zürich í Sviss ásamt því að leiguflug er á sama áfangastað yfir vetrartímann. Ferðaskrifstofan Verdi Travel selur flug bæði til Zürich og áfangastaði í Hollandi. Sjá flugáætlun hér neðar á síðunni.

Edelweiss Air
Svissneska flugfélagið Edelweiss býður beint flug til Akureyrar frá Zurich, frá júní til ágúst 2024.
Akureyri - Icelandair
Icelandair flýgur reglulega á milli Reykjavíkur og Akureyrar frá Reykjavíkurflugvelli. Flugtíminn er aðeins 45 mínútur og því er innanlandsflug tilvalið fyrir þau sem vilja skjótast norður og skoða allt það góða sem Akureyri hefur upp á að bjóða. Kjarnaskógur, Hlíðarfjall, Listagilið, Hof, Eyrin, Þelamörk og Sveitin eru allt dæmi um hrífandi staði svæðisins.  Frá 15. október til 30. nóvember verður boðið upp á beint flug, þrisvar sinnum í viku, á milli Akureyrar og Keflavíkur til að tengja við millilandaflug Icelandair um Keflavíkurflugvöll, en tímasetningarnar henta vel fyrir flug til Evrópu. Nánari upplýsingar um beint flug á milli Akureyrar og Keflavíkur má finna hér.  Frá Reykjavíkurflugvelli er einnig boðið upp á flug til Ísafjarðar, Egilsstaða, og yfir Verslunarmannahelgina er hægt að fljúga til Vestmannaeyja. 
easyJet
Eitt stærsta flugfélag Evrópu, easyJet, mun fljúga beint frá Gatwick í London til Akureyrar næsta vetur í áætlunarflugi. Flugfélagið hefur opnað fyrir bókanir, en fyrsta flugferðin verður 31. október. Flogið verður tvisvar í viku, á þriðjudögum og laugardögum, út mars 2024. Skelltu þér til London á hagstæðu verði!

Aðrir (12)

Air Canada Online booking -
Vueling Oneline booking 101 Reykjavík -
Lufthansa Online booking 101 Reykjavík -
Wizz Air Online booking 101 Reykjavík -
AustrianAustrian Online booking 101 Reykjavík -
Neos Online booking 101 Reykjavík -
Icelandair ehf. Reykjavík Airport 101 Reykjavík 505-0100
airBaltic Online booking 101 Reykjavík -
Norwegian Oneline booking 101 Reykjavík -
Play Online booking 101 Reykjavík -
SAS Online booking 101 Reykjavík -
British Airways Online booking 101 Reykjavík -

Flugáætlun

Með easyJet til London

Á undanförnum misserum hafa tækifærin til ferðalaga með flugi frá Akureyri aldrei verið fjölbreyttari. Síðasta vor tilkynnti easyJet um beint flug til Akureyrar í vetur, en félagið hefur flogið til Keflavíkur um árabil. Flogið verður frá Gatwick flugvellinum í London, en þaðan er hægt að taka tengiflug til að komast nánast hvert sem er í heiminum. Hægt er að kaupa flugferðir á heimasíðu easyJet og þar er hægt að bæta við tengiflugi með félaginu lengra út í heim. Einnig er hægt að nýta síður á borð við Dohop, til að kaupa tengiflug með öðrum flugfélögum.

Flogið er alla þriðjudaga og laugardaga til 30. mars 2024, og svo aftur frá 29. október og út febrúar 2025 Flugfélagið gefur út flugáætlun 9-12 mánuði fram í tímann og útlit fyrir að flugferðum verði einnig bætt við í mars 2025.

Smelltu hér til þess að finna flug frá Akureyri
Smelltu hér til að kynna þér það sem London hefur upp á að bjóða.

© visitlondon.com/Antoine Buchet

 

Sumarflug Edelweiss heldur áfram

Sumarið 2023 flaug svissneska flugfélagið Edelweiss beint til Akureyrar frá Zurich. Árangurinn af þeim flugferðum var góður og nú þegar er hægt að panta ferðir til Zurich sumarið 2024. Bóka þarf í gegnum heimasíðu Swiss: www.swiss.com/ch/en/homepage

 

Fljúga beint frá Amsterdam og Zurich til Akureyrar

Auk áætlunarflugs hafa tvær erlendar ferðaskrifstofur boðað komu sína til Akureyrar í vetur. Eftir jól mun Voigt Travel halda áfram með vetrarferðir frá Amsterdam. Þetta verður fjórði veturinn þar sem ferðaskrifstofan býður upp á ferðir til Norðurlands, en einnig hefur verið hægt að ferðast hingað með þeim á sumrin.

Svissneska ferðaskrifstofan Kontiki býður upp á ferðir til Norðurlands frá Zurich í febrúar og mars og því stefnir í að vetrartímabilið í ferðaþjónustu á Norðurlandi muni áfram njóta vaxtar í samræmi við áherslur ferðaþjónustu á Norðurlandi um að draga úr árstíðarsveiflu.

Í þessar flugferðir hafa Íslendingar getað bókað sér ferðir, til dæmis með Verdi travel, og á næstu vikum kemur í ljós hvernig framboðið á þeim verður. Verdi Travel setur einnig saman ferðir sem nýta bein flug bæði til einstaklinga og fyrir hópa. Smelltu hér til að skoða heimasíðu Verdi Travel.