Tjaldsvæði

Hlíð ferðaþjónusta býður upp á nokkra möguleika í gistingu. Hraunbrún: Svefnpokagisting í fjögurra manna herbergjum án baðs.  Eldunaraðstaða, setustofa, sturtur og snyrtingar sameiginlegt. Kytrur: 9m2 smáhýsi með 2 rúmum, hjónarúm. Eldunaraðstaða, setustofa, sturtur og snyrtingar í Hraunbrún eða á tjaldsvæðunum, hvorutveggja ca 100m í burtu.  Álfahlíð/Dvergahlíð:  Sumarhús, 50m2 + 22m2 svefnloft.  Í húsinu er eldunaraðstaða, þar eru 2 svefnherbergi annað með 2 * 80cm breiðu rúmi og hitt með 1 * 140cm breiðu rúmi, á svefnlofti eru dýnur,  einnig er setustofa og snyrting með sturtu. Andabyggð:  Tveggja manna herbergi með sérbaðherbergi.  2 * 90cm breið rúm, uppábúið með morgunverði. Tjaldsvæði:  Við bjóðum  upp á tjaldsvæði með fyrsta flokks aðstöðu.  Alls konar tjaldsvæði eru í boði, dokkir og hraunbalar.  Ekki er mikill trjágróður á staðnum.  Það er lítil fluga vegna fjarlægðar við Mývatn og lítils trjágróðurs, en tjalsvæðin eru ca 1 km frá vatnsbakkanum. Vaskar með heitu og köldu vatni eru á nokkrum stöðum á tjaldsvæðinu, 2 snyrtingahús og 1 sturtuhús, sturta er innifalin í verði.  Rafmagnstenglar eru í boði víðs vegar um svæðið og er borgað sér fyrir það.  Við erum með litla verslun í afgreiðsluhúsi þar sem hægt er að kaupa sælgæti, gos og mjólkurvörur og einnig póstkort og filmur.  Stórt eldhústjald er á svæðinu. Hlíð ferðaþjónusta býður einnig upp á alls kyns afþreyingu,  t.d er á tjaldsvæðunum leiksvæði fyrir börn og þar er einnig reiðhjólaleiga.  Hægt er að fara í margar mismunandi gönguferðir, langar og stuttar yfir fjöll og fyrnindi,  við gefum allar upplýsingar um þessar gönguleiðir. Í nánasta nágrenn við okkkur er upplýsingamiðstöð fyrir ferðamenn sem vel er þess virði að heimsækja, þar er líka sundlaug, kaffihús, bar, og ýmsir matsölustaðir.  

Tjaldsvæðið er á sjávarbakkanum yst á Tjörnesi með óhindruðu útsýni til hafs. Óvíða er sólarlagið fegurra og talsvert fuglalíf á svæðinu. Góð snyrtiaðstaða með sturtum. Salernisaðstaða fyrir fatlaða. Eldunaraðstaða og hægt að borða  inni. Um 35 km eru í Ásbyrgi og 24 km til Húsavíkur. Þá eru 80 km til Mývatns og 100 km til Akureyrar.

Í Ásbyrgi er stórt tjaldsvæði með aðstöðu fyrir tjöld, fellihýsi og húsbíla. Æskilegt er að bóka tjaldstæði fyrir komu vegna vinsælda tjaldsvæðisins og þá eru einnig meiri líkur á að hægt sé að panta stæði með rafmagnstenglum.

Tjaldsvæðið á Siglufirði býður gestum upp á fjölbreytta og aðgengilega gistiaðstöðu á þremur svæðum í bænum – við höfnina í miðbænum, á Rammalóðinni og í náttúrunni við Bola. Öll svæðin eru með salerni og rafmagn, og á tjaldsvæðinu í miðbænum er aðgangur að sturtu ásamt þvottavél og þurrkara gegn gjaldi. Miðbæjarsvæðið er staðsett í hjarta bæjarins, við höfnina, í einstaklega fallegu umhverfi þar sem veitingastaðir, verslanir og söfn eru í göngufæri.Rammalóðin er staðsett á móti lögreglustöðinni og í stuttu göngufæri frá miðbænum.Svæðið við Stóra bola er staðsett sunnar í bænum, í nálægð við náttúru og fallegar gönguleiðir, og hentar vel þeim sem vilja dvelja í rólegra umhverfi. Á Siglufirði er fjöldi áhugaverðra safna og menningarsetra, þar á meðal Síldarminjasafnið, Ljóðasetur Íslands, Þjóðlagasetur, Saga Fotografica og fleiri. Tjaldsvæðið er opið frá 15. maí til 15. október, með fyrirvara um að veður og aðstæður leyfi. Hægt er að bóka stæði og aðra þjónustu með einföldum hætti á www.parka.is Verð • Fullorðnir (16 ára og eldri): 1.800 kr. • Aldraðir og öryrkjar: 1.500 kr. • Frítt fyrir börn • Gistináttaskattur: 400 kr. • Rafmagn: 1.400 kr. • Þvottavél: 700 kr. • Þurrkari: 700 kr. Verið hjartanlega velkomin á tjaldsvæðið á Siglufirði!

Einkatjaldstæði fyrir hópa!  Frábært svæði fyrir ættarmótið, afmælið, brúðkaupið eða vinahittinginn. Húsið sem er um 270 fm, tekur um 110 manns í sæti (borð og stólar eru á staðanum). Í húsinu eru fjögur salerni, eldhús með uppþvottavél, ískáp, eldavél og kaffikönnu. Í húsinu eru dýnur og gistileyfi fyrir 20 manns. Í kringum húsið er stærðar lóð sem nýtist sem tjaldstæði fyrir hópinn og rafmagn sem hægt er að nýta til að tengja hýsi sem þess þurfa. Stutt er í innigistingu í nágrenninu, svo ef einhverjir í hópnum vilja ekki vera í tjöldum eða á dýnum er hægt að leigja frábær herbergi bæði í Keldudal, Ríp og á Hellulandi en aðeins örfáir km eru í alla þessa ferðaþjónustuaðila.  Verð 2020:Hópatjaldsvæði með inniaðstöðu (Innifalið tjaldstæði, inniaðstaða og rafmagn. Þrif greiðast aukalega).Helgin:  75.000 kr. Eða 95.000 kr með þrifumVirkur dagur:  35.000 kr. Eða 50 þús kr. Með þrifum.

Skjólgóð og skemmtileg tjaldsvæði fyrir tjöld, hýsi og húsbíla sem bjóða upp á salerni fyrir hreyfihamlaða og með góðu aðgengi fyrir hjólastóla á flestum svæðum. Allar bókanir fara fram á parka.is. Stórarjóður (B) býður upp á rafmagn og salerni fyrir hreyfihamlaða og er rólegt svæði sem ætlað er þeim sem vilja slaka á og taka því rólega. Hróarsstaðanes (C,D) er stærsta svæðið, staðsett við Fnjóskánna. Á þessu svæði er salerni, rafmagn, sturtur, þvottavél, þurrkari og aðalleiksvæðið (ærslabelgur, klifurpýramídi, lítill fótboltavöllur og sandkassasvæði). Flatagerði (E) er með rafmagn, sturtur, þvottavél, þurrkari, salerni fyrir hreyfihamlaða, ásamt litlu leiksvæði með vegasalti og rólum. Þetta svæði er aðliggjandi fastleigustæðunum. Brúarlundur (A) hefur salerni en ekkert rafmagn, og hentar vel fyrir stuttar dvalir og náttúruunnendum. Boðið er upp á forbókanir í Stórarjóðri (B) og Flatagerði (E). Vaglaskógur er einn fallegasti birkiskógur landsins með miklum möguleikum til útivistar. Tjaldsvæðin eru tengd víðfeðmu göngustíganeti sem liggur um Vaglaskóg og göngustígakort er hægt að nálgast við upplýsingaskilti í skóginum og hjá starfsfólki. Stutt er í Akureyri (17km í gegnum Vaðlaheiðargöng), golfvöll með veitingaskála (3km), sundlaug með verslun og mini-golfi (12km). Verð á nótt: 2000 kr á mann1500 kr fyrir eldri borgara og öryrkja1300 kr fyrir rafmagn per nótt Sturtugjald: 500 kr (klink) fyrir 5 mínútur af heitu vatniÞvottavél/þurrkari: 500 kr (klink) *Hægt er að fá skiptimynt hjá tjaldvörðum FRÍTT er fyrir 14 ára og yngri í fylgd með forráðamanni. Án fylgdar forráðamanns er aldurstakmarkið á tjaldsvæðunum 18 ár. Nokkrir punktar til að hafa í huga:- Við flokkum rusl í Vaglaskógi og biðjum við tjaldsvæðagesti að gera slíkt hið sama á meðan dvölinni stendur - Lausaganga hunda og katta er bönnuð, en leyfilegt er að hafa dýrin í taumi - Hægt er að kaupa skott/millistykki fyrir rafmagnstengingu hjá tjaldvörðum. Símanúmer tjaldsvæða er 860 4714

Tjaldsvæðið í Varmahlíð hefur verið valið tjaldsvæði ársins samkvæmt vinum Floridana Safar á Facebook. Friðsæll og skjólgóður staður með snyrtilegum salernum, heitu og köldu vatni og rafmagni. Þvottavél, þurrkari og sturta er einnig á staðnum. Stutt er í alls kyns afþreyingu. Á tjaldsvæðinu sjálfu er svokallaður Ærslabelgur þar sem tugir barna geta skemmt sér tímum saman. Tveir fótboltavellir eru við tjaldsvæðið og aðeins 250 m. ganga eftir fallegum skógarstíg að sundlaug sem skiptist í tvær laugar; 25 m. laug og 8 m. barnalaug með tveimur rennibrautum. Þar er einnig heitur pottur og sauna. Upplýsingamiðstöð er í Varmahlíð þar sem hægt er að nálgast allar upplýsingar varðandi afþreyingu, gönguleiðir, þjónustu, söfn, kirkjur og fl. ATH. Tjaldsvæði á Sauðárkróki, Hofsós, Hólum og Varmahlíð eru í samstarfi þannig að hægt er að gista fyrstu nóttina á einhverju af þessum þrem tjaldsvæðum og fá þá lægra verð næstu nótt á eftir á einhverju af hinum tjaldsvæðunum. Nauðsynlegt er að framvísu greiðslukvittun af fyrra tjaldsvæði. Tjaldstæðið er opið yfir sumartímann frá miðjum maí fram í miðjan september.

Fjölskyldutjaldsvæði Eyjafjarðarsveitar er staðsett norðan sundlaugar og íþróttamiðstöðvar sveitarinnar. Svæðið er veðursælt og tjaldsvæðið á flötu þurrlendi og því er mögulegt að opna svæðið snemma á vorin. Á tjaldsvæðinu er lítið uppþvottahús með heitu og köldu vatni auk snyrtinga.  Einnig eru snyrtingar og sturta í kjallara Íþróttamiðstöðvarinnar. Góð aðstaða er fyrir húsbíla svo sem raftenglar og skólplosun. Gjaldskrá tjaldsvæðis 2026 Frítt fyrir börn 0-17 ára í fylgd með forráðamönnum. Tjald/húsbíll 1.750kr. á mann nóttin Rafmagn fyrir húsbíl  1.100kr. á sólarhring Gistináttagjald 400 kr.- legst ofan á allar seldar gistinætur (hver nótt fyrir hvert stæði, óháð fjölda einstaklinga í gistingu)  Fastur opnunartími er 1. júní til 31. ágúst ár hvert en helgaropnun er í maí og september þegar vel viðrar. Sparkvöllur og íþróttavöllur eru fast við tjaldsvæðið sem og leiksvæði Hrafnagilsskóla þar sem víkingaskip, litlir leikkofar og sandkassar hafa í áranna rás verið vinsæl leiksvæði barna. Hægt er að bóka stæði fyrirfram á svæðum B, C, D og E á vef Reisa.is.

Tjaldsvæðið á Kópaskeri er við innkeyrsluna inn í þorpið. Þjónustuhúsið með tveim vöskum, sturtu og einu salerni blasir við en tjaldsvæðið sjálft er neðan við bakkann. Þar er mjög skjólgott úr öllum áttum nema sunnanátt. Á tjaldsvæðinu er kolagrill, rafmagnstenglar og þvottasnúra ásamt pikknik borðum. Á Kópaskeri er heilsugæsla, útibú Lyfju, útibú Landsbankans, Skerjakolla (verslun), vínbúð, hárskeri og Röndin vélaverkstæði.  Á Kópaskeri er Skjálftasetur, Byggðasafn sem er rétt utanvið þorpið,  9 holu púttvöllur, leiktæki og margt fleira. Margar góðar gönguleiðir eru í nágrenninu og eru sýndar á korti við tjaldsvæðið. Í góðu veðri liggja selir á steinum við ströndina en einnig er fjölbreytt fuglalíf í þorpinu og allt í kring.

Verið hjartanlega velkomin í kyrrð og skjólsælt umhverfi þar sem birkið angar og rjúpan ropar.               Tjaldsvæðið Systragil er 13 km frá Akureyri í austurátt við bæinn Hróarsstaði við veg 833, fimm km frá þjóðvegi 1, staðsett gegnt stærsta birkiskógi landsins, Vaglaskógi. Einnig er gistiheimilið Rjúpa í landi Hróarsstaða. Á tjaldsvæðinu er gott aðgengi að rafmagni, upphituð klósett og rúmgóð sturta, aðstöðuhús þar sem hægt er að elda og matast og frítt internet. Í næsta nágrenni er sundlaug á Illugastöðum. Merktar gönguleiðir eru bæði í Vaglaskógi og upp með Systragili.  Mikill gróður og lækurinn Systralækur. Í hlíðunum fyrir ofan tjaldstæðið eru melar og skóglendi og þar má finna mikið af berjum og sveppum. Tjaldsvæðið Systragil er miðsvæðis á Norðurlandi. Stutt er í 9 holu golfvöll, Lundsvöllur (3 km), Goðafoss (25 km), Akureyri  (13 km)  Húsavík  (65 km) og Mývatnssveit (65 km).Akureyri  (13 km), Laufás (20 km), Goðafoss (25 km), Húsavík  (65 km) og Mývatnssveit  (65 km). Verð 2026  Fyrir fullorðna: 2.000 kr + gistináttaskattur Eldri borgarar og öryrkjar: 1.700 kr + gistináttaskattur  Börn: Frítt fyrir 16 ára og yngri í fylgd með fullorðnumÞvottavél og þurrkari: 1000 krRafmagn: 1.200 kr  Sturta: ókeypis 

Tjaldstæðið á Hofsósi er skjólgott tjaldsvæði með rafmagni og aðstöðuhúsi með köldu og heitu vatni, sturtu og klósettlosun fyrir húsbíla. Stutt er í hina nýju, margverðlaunuðu sundlaug á Hofsósi.   Ýmis afþreying er í boði á Hofsósi og í sveitum í kring. Má þar nefna gönguferðir um gamla bæinn við Pakkhúsið og bryggjuna, niður í Grafarós og Staðarbjargarvík, fara í sund í hinni margverðlaunuðu sundlaug á Hofsósi, kíkja í Vesturfarasetrið og á Samgönguminjasafnið í Stóragerði. Þórðarhöfði er skammt undan, en gönguferð í Þórðarhöfða er stórkostleg upplifun. Góðir veitingastaðir eru á Hofsósi.   Tjaldsvæði á Sauðárkróki, Hofsós, Hólum og Varmahlíð eru í samstarfi þannig að hægt er að gista fyrstu nóttina á einhverju af þessum fjórum tjaldsvæðum og fá þá lægra verð næstu nótt á eftir á einhverju af hinum tjaldsvæðunum. Nauðsynlegt er að framvísu greiðslukvittun af fyrra tjaldsvæði. Opnunartími er frá miðjum maí og fram á haust, en endaleg lokun fer eftir veðri. Flott aðstaða í fallegu umhverfi.

Í Hólaskógi eru afspyrnu falleg rjóður sem veita góð skjól fyrir tjöld og vagna. Ótal gönguleiðir eru um svæðið bæði fyrir vana og óvana.   Á tjaldstæðinu er salernisaðstaða með köldu og heitu vatni. Ekkert rafmagn er á tjaldstæðinu en það er einmitt ein af ástæðunum sem gerir þetta svæði eins sjarmerandi og raun ber vitni. Frábært svæði fyrir þá sem vilja ekta gamladags útilegu þar sem tengin við náttúruna er allsráðandi. Um 25 mín akstur er í sundlaugina á Hofsósi, sem er margverðlaunuð fyrir hönnun auk þess að vera með einstakt útsýni yfir Skagafjörðinn. ATH. Tjaldsvæðin á Sauðárkróki, Hofsós, Hólum og Varmahlíð eru í samstarfi þannig að hægt er að gista fyrstu nóttina á einhverju af þessum fjórum tjaldsvæðum og fá þá lægra verð næstu nótt á eftir á einhverju af hinum tjaldsvæðunum. Nauðsynlegt er að framvísu greiðslukvittun af fyrra tjaldsvæði.

Tjaldsvæðið í Ólafsfirði er við íþróttamiðstöðina. Þar er lítil tjörn með miklu fuglalífi og smásílum sem vinsælt er að veiða hjá yngri krökkunum. Opnunartímar tjaldsvæða er frá 15. maí - 15. október Gjaldskrá 2026: Einstaklingar: 1.800 Elli- og örukulífeyrisþegar: 1.500 Börn 16 ára og yngri: Frítt Gistináttagjald: 400 Rafmagn: 1.400 Þvottavél: 700 Þurrkari: 700

Sumarhúsin eru til leigu allt árið. Gistirými í 20 velbúnum húsum fyrir allt að 110 manns. Heitir pottar eru við flest húsin. Búið í fallegu sumarhúsi, í frábæru umhverfi og látið ykkur líða vel. Bjóðum auk þess upp á svefnpokapláss. Við viljum vekja athygli á að glæsileg ný sundlaug var opnuð á Blönduósi sumarið 2010.   Afgreiðsla Glaðheima er í upplýsingamiðstöðinni í Brautarhvammi við þjóðveg 1. Utan opnunartíma er alltaf svarað í síma 820 1300 eða 690 3130.

Tjaldsvæðið er staðsett í einstakri náttúru Mývatnssveitar, umkringt hraunmyndunum og með glæsilegu útsýni yfir Hverfjall. Það er í stuttri göngufjarlægð frá Mývatni og hentar vel sem upphafsstaður til að skoða helstu náttúruperlur svæðisins. Þaðan er auðvelt að heimsækja staði á borð við Dimmuborgir, Jarðböðin við Mývatn og Grjótagjá, auk þess sem gönguleið að Hverfjalli hefst í nágrenni tjaldsvæðisins. Aðstaða Tjaldsvæðið er opið allt árið og býður upp á góða aðstöðu fyrir tjöld, húsbíla og ferðavagna. Gestir hafa meðal annars aðgang að: Upphituðu eldhúsi og innandyra borðaðstöðu Heitum sturtum án aukagjalds Ókeypis Wi-Fi Rafmagnstengingum (gegn gjaldi) Losunarstöð fyrir ferðasalerni Áfyllingu á drykkjarvatni Sjálfsinnritun Innritun fer fram með QR-kóða við inngang tjaldsvæðisins eða í sjálfsafgreiðslukíóski á svæðinu. Starfsfólk er ávallt í síma ef gestir þurfa aðstoð. Þjónusta Við hlið tjaldsvæðisins er Daddi's Pizza, þar sem boðið er upp á pizzur úr íslensku hráefni. Gestir tjaldsvæðisins njóta afsláttar af matseðli. Á svæðinu er einnig minjagripaverslun með sjálfsafgreiðslu auk þvottaþjónustu sem Vogar Travel Service sér um. Verð Greitt er á mann og bætist gjald við fyrir tjöld, húsbíla og ferðavagna. Börn yngri en 14 ára gista án endurgjalds og rafmagn er í boði gegn aukagjaldi. Gestir sem dvelja í þrjár samfelldar nætur fá fjórðu nóttina án endurgjalds. Tengiliður Nánari upplýsingar fást í síma +354 464 4399, sem jafnframt er neyðarsími tjaldsvæðisins og er opinn allan sólarhringinn. 

Tjaldsvæðið er við suðurinnkeyrsluna í bæinn (þegar komið er frá Akureyri) alls 9.500 fermetrar að stærð.  Það stendur við hlið íþróttasvæðisins, skólans og Sundlaugar Dalvíkur. Í kring er góð aðstaða til leikja fyrir börn, grasbalar fyrir leiki og boltaspark, gervigras sparkvöllur, körfuboltavöllur og ýmis leiktæki. Á tjaldsvæðinu er heitt og kalt vatn, sturtur og snyrtingar með aðgengi fyrir fatlaða. Á svæðinu er góð aðstaða innandyra, þar er hægt að þvo leirtau og elda. Innandyra er aðstaða til að setjast niður. Hægt er að komast í þvottavél, þurrkara og aðstöðu til að þurrka skóbúnað. Einnig er rennandi vatn fyrir áfyllingar á vatnstanka og niðurfall fyrir losun ferðaklósetta. Aldurstakmark er 18 ár nema í fylgd með forráðamönnum. Starfsmenn á vegum tjaldsvæðis munu sjá um að rukka aðgang að tjaldsvæðinu. Þeim tilmælum er þó beint til gesta að hafa samband í síma 625-4775 til að greiða fyrir gistingu og afnot af rafmagni eftir því sem við á ef starfsmenn hafa ekki haft samband fyrir brottför. Í Sundlaug Dalvíkur er einnig að finna upplýsingar um Dalvíkurbyggð og nágrenni og starfsfólk leitast við að aðstoða gesti ef upplýsingar vantar. Opnunartími:15. maí til 15. September  Verðskrá 2026:Fullorðnir: 2.000krFrítt fyrir 14 ára og yngriEldri borgarar og öryrkjar: 1.500krÞvottavél: 1.000krÞurkari: 1.000krRafmagn: 1.500krGistináttaskattur: 500kr á hverja einingu 

Tjaldsvæðið er á skjólsælum og rólegum stað efst á Bogabraut og horfir á móti sólu. Í miðju svæðisins er gamall bæjarhóll þar sem bærinn Höfðahólar stóðu. Svæðið er í fallegu umhverfi og nýtur skjóls til norðurs og austurs af lágum klettahólum sem kallaðir eru Hólaberg. Runnar skipta svæðinu upp í nokkra reiti sem skapa þægileg umhverfi fyrir tjöld, húsbíla, hjólhýsi, fellihýsi og tjaldvagna. Rafmagnstenglar eru á nokkrum stöðum. Á svæðinu er góð aðstaða fyrir börn, spennandi umhverfi og leiktæki af ýmsu tagi.Aðstaðan Í þjónustuhúsinu eru vatnssalerni, þvottavél og aðstaða til að matast innanhúss fyrir þá sem það vilja og vaskur til uppþvotta. Þar má einnig fá margvíslegar upplýsingar fyrir ferðamenn. Framar öllu ber að nefna tvo veglega bæklinga um gönguleiðir á Spákonufellshöfða og á fjallið Spákonufell. Þarna er einnig gestabók og eru ferðalangar beðnir um að rita nöfn sín í hana. Ferðafólk er beðið um að ganga vel um og skilja þannig við bæði tjaldsvæðið og þjónustuhúsið þannig að aðrir geti líka notið dvalarinnar.Opnunartími Tjaldsvæði er opið frá 1.maí til 15.september. Verðskrá 2026: Fullorðnir: 2.500krBörn (14 ára og yngri) FríttAldraðir og öryrkjar 1.600kr Gistináttaskattur 400 kr pr eininguRafmagn 1.500krGjald fyrir afnot af þvottavél 800krGjald fyrir afnot af þurrkara 800krGjald fyrir afnot af sturtu 500kr  

Tjaldsvæðið á Hauganesi er staðsett í rólegu sjávarþorpi við utanverðan Eyjafjörð, um 20 mínútna akstur frá Akureyri og 10 mínútur frá Dalvík. Tjaldsvæðið er opið yfir sumartímann og tekur á móti tjöldum, hjólhýsum, ferðavögnum og húsbílum. Á svæðinu eru rafmagnstengingar, salerni, sturtur, uppþvottaaðstaða og þvottaaðstaða. Nýtt tjaldsvæði með fleiri rafmagnstengingum hefur verið tekið í notkun og býður upp á rúmgóð stæði í rólegu umhverfi. Í stuttri göngufjarlægð eru Fjöruböðin á Hauganesi, heitir pottar við sj ávarsíðuna með aðstöðu til sturtu og búnings. Einnig er veitingastaðurinn Baccalá Bar, fiskbúð, minjagripaverslun og hvalaskoðunarfyrirtækið Whales sem býður upp á daglegar ferðir yfir sumarið. Hauganes er tilvalinn staður fyrir þá sem vilja njóta kyrrðar við Eyjafjörð en hafa jafnframt greiðan aðgang að afþreyingu og þjónustu. Nánari upplýsingar, verð og greiðslur má finna á fjorubodin.is.  

Vesturdalur býður upp á lítið og friðsælt tjaldsvæði í fallegu umhverfi Jökulsárgljúfra. Tjaldsvæðið er eingöngu ætlað tjöldum og er yfirleitt opið frá miðjum júní fram í miðjan september, en opnun og lokun geta verið háð veðri og aðstæðum. Á svæðinu eru vatnssalerni og aðstaða til uppvasks, en hvorki er heitt vatn, sturtuaðstaða né rafmagn í boði. Símasamband getur verið ótryggt. Ekki er hægt að bóka fyrirfram og landverðir sjá um innheimtu gistigjalda á staðnum. Vesturdalur er við veg 862 sem er malbikaður og því greiðfær yfir sumartímann. Malarvegur 864 opnar yfirleitt síðar á sumrinu og lokast fyrr á haustin, allt eftir veðurskilyrðum. Á tjaldsvæðinu er skrifstofa landvarða sem er opin yfir hásumarið. Þar er hægt að fá upplýsingar um þjóðgarðinn, gönguleiðir og náttúru svæðisins. Aðeins um 14 km frá Vesturdal er Gljúfrastofa í Ásbyrgi, þjónustu- og upplýsingamiðstöð Vatnajökulsþjóðgarðs, þar sem gestir geta fræðst um jarðfræði, náttúru og sögu Jökulsárgljúfra. Frá Vesturdal liggja fjölmargar merktar gönguleiðir og yfir sumarið bjóða landverðir reglulega upp á leiðsagnargöngur um svæðið. 

Bakkaflöt er notalegt tjaldsvæði í Skagafirði, staðsett við Svartá og umkringt fallegri náttúru. Svæðið er hluti af fjölskyldureknu ferðaþjónustufyrirtæki sem býður upp á fjölbreytta gistingu, afþreyingu og góða þjónustu á einum stað. Á tjaldsvæðinu er aðstaða fyrir tjöld, hjólhýsi og húsbíla með aðgangi að salernum, sturtum, eldhúsi, rafmagni og sameiginlegri setuaðstöðu. Hundar eru velkomnir svo framarlega sem þeir eru hafðir í taumi. Gestir geta einnig notið veitingastaðar, bars, heitra potta og sundlaugar á svæðinu. Bakkaflöt er jafnframt þekkt fyrir flúðasiglingar á Austari- og Vestari-Jökulsá, sem hafa verið í boði frá árinu 1994 og eru meðal vinsælustu afþreyingar í Skagafirði. Hvort sem markmiðið er að slaka á í fallegu umhverfi eða upplifa ævintýri á ánni er Bakkaflöt frábær áfangastaður fyrir ferðafólk á Norðurlandi. 

Tjaldstæðið á Sauðárkróki er staðsett miðsvæðis í bænum, við hliðina á Sundlauginni. Í þjónustuhúsinu við tjaldsvæðið er heitt og kalt vatn, sturtur, salerni, þvottavél og aðgengi fyrir fatlaða. Hægt er að kaupa rafmagn og losa ferðasalerni. Stutt er í helstu þjónustu s.s. sundlaug, verslanir, sýningar, veitingastaði, golfvöll o.þ.h. Við hlið tjaldsvæðisins er ærslabelgur  sem tjaldgestum er frjálst að nota. ATH. Tjaldsvæði á Sauðárkróki, Hofsós, Hólum og Varmahlíð eru í samstarfi þannig að hægt er að gista fyrstu nóttina á einhverju af þessum þrem tjaldsvæðum og fá þá lægra verð næstu nótt á eftir á einhverju af hinum tjaldsvæðunum. Nauðsynlegt er að framvísu greiðslukvittun af fyrra tjaldsvæði.

Tjaldsvæðið á Raufarhöfn er staðsett á rólegum stað við tjörnina, í stuttri göngufjarlægð frá þjónustu þorpsins. Þar er góð aðstaða fyrir tjaldgesti, hjólhýsi og húsbíla og hentar svæðið vel sem viðkomustaður fyrir þá sem vilja kanna Melrakkasléttu og nágrenni. Á tjaldsvæðinu eru salerni, vaskur, borð og bekkir auk rafmagnstenginga fyrir hjólhýsi og húsbíla. Einnig er auka tjaldsvæði á íþróttavellinum sem hentar vel stærri farartækjum, en þar er hvorki salernisaðstaða né rafmagn. Við hlið tjaldsvæðisins er íþróttamiðstöð þar sem gestir geta nýtt sundlaug, heitan pott, gufu og líkamsræktaraðstöðu. Einnig er hægt að nota þvottavél og þurrkara gegn gjaldi. Öll helsta þjónusta Raufarhafnar er í göngufæri, þar á meðal matvöruverslun, eldsneytisafgreiðsla, apótek, heilsugæsla, pósthús, gisting, veitingastaðir og kaffihús. Raufarhöfn er nyrsta þorp Íslands og rétt undan ströndinni liggur heimskautsbaugurinn. Skammt frá þorpinu stendur Heimskautsgerðið (Arctic Henge), einstakt útilistaverk sem sæk ir innblástur í íslenska menningu, bókmenntir og stjörnufræði og er einn af áhugaverðustu áfangastöðum svæðisins. 

Tjaldsvæðið okkar er ofarlega í þorpinu á kyrrlátum og notalegum stað. Þaðan er öll þjónusta í þorpinu í göngufæri. Aðstaða á tjaldsvæðinu er góð. Þar eru borð og bekkir, salernis- og sturtuaðstaða, og gott rými fyrir hjólhýsi og húsbíla með aðgangi að rafmagni. Í íþróttahúsinu Verinu er aðstaðan til fyrirmyndar, þar er stór innisundlaug og heitir pottar, íþróttasalur og líkamsrækt. Þar er einnig upplýsingamiðstöðin staðsett og ýmis önnur aðstaða fyrir ferðamenn, t.d. þvottavél. Við íþróttahúsið er sparkvöllur þar sem oftar en ekki er hægt að finna bæði með- og mótspilara. Hjarta Þórshafnar slær í takt við sjávarföllin, þar hefur útgerð og fiskvinnsla verið aðalatvinnuvegurinn í gegnum tíðina. Því er gaman að rölta niður að höfn og kíkja á mannlífið. Þá er einnig gaman að ganga um lystigarðinn og heilsa upp á Valda vatnsbera. Þjónusta á Þórshöfn er mjög góð, þar er heilsugæsla og apótek, verslun, veitingastaður, grillskáli, íþróttahús og sundlaug, sparisjóður, pósthús, bensínstöð, bílaverkstæði ofl. Við hafnargarðinn við Fjarðarveg eru komin fæðandi söguskilti um þorpið. Áhugaverðir staðir í nágrenni Þórshafnar eru t.d. Langanes, Bakkafjörður og Rauðanes. Ef keyrt er út á Langanes er upplagt að heimsækja Sauðaneshúsið og fara út á glæsilegan útsýnispall á Skoruvíkurbjörgum. Að fara út í eyðiþorpið Skála og alla leið út á Font gerir ferðina enn betri.Norlandair er með daglegt flug frá Reykjavík til Þórshafnar með millilendingu á Akureyri, alla virka daga. Bílaleiga Akureyrar er með útibú á Þórshöfn og býður m.a. uppá hentuga bíla til ferða útá Langanes. Einnig er Hertz bílaleiga á Þórshöfn með allar tegundir bíla. 

Tjaldsvæðið á Húsavík er staðsett í göngufæri frá miðbæ Húsavíkur, sundlaug, verslunum og veitingastöðum. Tjaldsvæðið er góður kostur fyrir þá sem vilja njóta þjónustunnar í bænum og eiga jafnframt greiðan aðgang að helstu afþreyingu og náttúruperlum á Norðausturlandi. Á tjaldsvæðinu er aðstaða fyrir tjöld, hjólhýsi og húsbíla. Gestir hafa aðgang að salernum, sturtum, þvottavél, þurrkara og ókeypis Wi-Fi. Húsavík er þekkt sem höfuðborg hvalaskoðunar á Íslandi og þaðan eru daglegar siglingar út á Skjálfandaflóa. Í nágrenninu eru einnig áhugaverð söfn, veitingastaðir og vinsælir áfangastaðir eins og Goðafoss, Ásbyrgi og Mývatn í þægilegri akstursfjarlægð.  Verð sumar 2026: Fullorðnir: 2.200kr á mann á nótt (Mærudagar 23.-25.júlí 3.900kr á mann nóttin)Öryrkjar og eldri borgarar: 1.600kr á mann á nóttBörn: Frítt fyrir 14 ára og yngri Rafmagn: 1.500kr á dagÞvottavél: 800krÞurrkari: 800kr Gistináttagjald: 400kr

FarNorth tjaldsvæðið á Bakkafirði er rólegt og rúmgott tjaldsvæði staðsett í hjarta hins litla sjávarþorps Bakkafjarðar á Norðurlandi. Tjaldsvæðið býður upp á stórt, opið grassvæði með útsýni yfir hafið, þar sem gestir geta valið sér stað að vild, hvort sem þeir koma með tjald, húsbíl eða minni ökutæki. Andrúmsloftið er afslappað og án fastra stæða, sem veitir meiri sveigjanleika og nánari tengingu við náttúruna í kring. Aðstaðan felur í sér salerni, sturtu og sérsvæði til uppþvottar, auk þess sem grunnþjónusta er í boði í þorpinu skammt frá. Bakkafjörður er staðsettur við Norðurstrandarleið, afskekktur og friðsæll áfangastaður sem hentar vel ferðalöngum sem vilja upplifa fáfarnari svæði Íslands. Tjaldsvæðið er frábær útgangspunktur til að kanna Langanesið, sem er þekkt fyrir stórbrotna strönd, fjölbreytt fuglalíf og fallegar gönguleiðir. Vitinn á Digranesi er vinsæl gönguleið með víðáttumiklu útsýni yfir hafið og klettana í kring. FarNorth tjaldsvæðið er hluti af FarNorth Iceland, staðbundnu verkefni í ferðaþjónustu sem leggur áherslu á að skapa hlýlegt og aðlaðandi umhverfi fyrir ferðalanga með gistingu, menningu og einfaldri en vel útfærðri upplifun. Opnunartími:Frá 15. maí (fer eftir veðri) Bókanir og greiðslur:Fara fram í gegnum Parka.is

Áfangi er gagnamannaskáli í eigu Húnavatnshrepps.Á sumrin er rekin ferðaþjónusta sem tekur á móti ýmiskonar hópum s.s hestahópum og gönguhópum.  Veitingasala er í Áfanga fyrir gesti og gangandi. Í Áfanga er svefnpokapláss fyrir 32 manns í 8 fjögura mann herbergjum.  Svefnpláss á dýnum í setustofu.  Hægt að fá uppábúin rúm. Eldhús og borðsalur eru til afnota fyrir næturgesti og hópa.  Aðkeyrsla og dyr beint inn í eldhúsið.Veitingasala og verslun er í Áfanga.  Boðið er uppá morgunmat, hádegismat, kaffi og kvöldmat.  Súpa og brauðmeti er ávallt til en stærri máltíðir þarf að panta fyrirfram.  Bjór, gos og sælgæti er til sölu. Í Áfanga er heitur pottur og góð sturtuaðstaða.   Fátt er betra en hvíld í heitum potti eftir langan ferðadag. GPS: N65°08,701 W19°44,148 Aðstaða fyrir hesta, hesthús og hey.

Tjaldsvæðið á Grenivík er staðsett á rólegum stað við Kirkjuveg, rétt við sundlaugina og í göngufæri frá helstu þjónustu í þorpinu. Tjaldsvæðið hentar vel fyrir tjöld, hjólhýsi og húsbíla og er góður viðkomustaður fyrir þá sem vilja njóta náttúrunnar við Eyjafjörð. Á svæðinu er þjónustuhús með salernum, sturtum, aðstöðu til uppþvotta og góðu aðgengi fyrir hreyfihamlaða. Rafmagnstengingar eru í boði og leiksvæði fyrir börn er í nágrenninu. Við tjaldsvæðið er sundlaug Grenivíkur með heitum pottum og fallegu útsýni yfir Eyjafjörð. Í þorpinu má einnig finna veitingastað, matvöruverslun og aðra grunnþjónustu. Fjölbreyttar gönguleiðir liggja um nágrennið og á sumrin er hægt að heimsækja Útgerðarminjasafnið. Ekki er tekið við bókunum fyrirfram – gestir mæta einfaldlega á staðinn og greiða við komu. 

Hamrar er vel búið tjaldsvæði við útivistarsvæðið í Kjarnaskógi, aðeins nokkurra mínútna akstur frá miðbæ Akureyrar. Tjaldsvæðið er umkringt birkiskógi og klettabeltum og er frábær kostur fyrir þá sem vilja njóta náttúrunnar án þess að vera langt frá þjónustu bæjarins. Svæðinu er skipt upp í rúmgóðar tjaldflatir með góðri aðstöðu fyrir tjöld, hjólhýsi, fellihýsi og húsbíla. Á svæðinu eru meðal annars þjónustuhús með salernum og sturtum, eldhús- og setuaðstaða, þvottaaðstaða, rafmagnstengingar og aðstaða til losunar ferðasaletta. Hamrar eru sérstaklega fjölskylduvænt tjaldsvæði með leiksvæðum, minigolfi, bátaleigu og fjölbreyttum útivistarmöguleikum í Kjarnaskógi. Fjölmargar göngu- og hjólaleiðir liggja um skóginn og golfvöllur Akureyrar er í næsta nágrenni. Tjaldsvæðið er opið allt árið en full þjónusta er yfir sumartímann. 

Tjaldsvæðið í Grímsey er miðsvæðis í þorpinu, fyrir aftan sundlaugina. Gestir tjaldsvæðisins hafa afnot af sturtu og snyrtingum með heitu og köldu vatni inni í sundlaugarhúsnæðinu.

Á Reykjum er stórt og opið tjaldsvæði með salernis- og eldunaraðstöðu og litlu leiksvæði fyrir börnin. Á svæðinu er einnig gistiheimili, lítið kaffihús og tvær heitar náttúrulaugar, Grettislaug og Jarlslaug. Grettislaugin er þekkt úr Grettissögu því þar baðaði Grettir Ásmundarson sig árið 1030 þegar hann kom að landi eftir sund frá Drangey til að ná sér í eld. Jarlslaug er aftur á móti nefnd í höfuð Jóns Eiríkssonar Drangeyjarjarls sem byggði upp svæðið. Laugarnar eru ca 38-41 gráðu heitar, við þær er sturtuaðstaða. Stutt er í sjóinn fyrir þá sem stunda sjósund. Hægt er að ganga í Glerhallavík eða upp í dalinn, mikil náttúrufegurð er á Reykjum og fuglalíf. Skemmtilegt svæði fyrir einstaklinga sem og hópa, tilvalið fyrir ættarmót.