Hjólaleigur

Sel – Hótel Mývatn er kjörinn dvalarstaður fyrir þá sem vilja kynnast náttúruperlum Mývatns og stórbrotnu umhverfi þess. Hótelið stendur á einstökum stað við Skútustaðagíga, sem blasa við frá hótelinu og eru aðeins í nokkurra mínútna göngufjarlægð. Hér fara því saman þægileg staðsetning, fallegt útsýni og nálægð við náttúruna.Á hótelinu eru 54 fallega innréttuð herbergi þar sem áhersla er lögð á þægindi og afslöppun. Öll herbergi eru með sérbaðherbergi, sjónvarpi, síma, skrifborði og aðstöðu til að laga te og kaffi. Gestir geta notið stórbrotins útsýnis yfir gígana og vatnið, auk kyrrláts umhverfis sem skapar kjörnar aðstæður til hvíldar eftir viðburðaríkan dag.Við hlið hótelsins er notalega kaffihúsið og minjagripaverslunina Kaffi Sel. Þar er tilvalið að slaka á yfir léttum veitingum, skoða úrval af íslenskum vörum eða finna fallegan minjagrip frá heimsókninni í Mývatnssveit.Sel – Hótel Mývatn rekur einnig eigin handverksbrugghús, Mývatn Öl. Bjórinn er bruggaður á staðnum og borinn fram á veitingastað og bar hótelsins. Hægt er að bóka leiðsögn um brugghúsið með bjórsmökkun á myvatnol.is eða með því að senda tölvupóst, ferðirnar hefjast í móttöku hótelsins. Veitingastaðurinn býður upp á rétti af matseðli allt árið, árstíðabundið hlaðborð yfir sumarmánuðina og veglegt morgunverðarhlaðborð daglega sem ávallt er innifalið í gistingunni.Hinum megin við götuna er Gestastofan Gígur, sem er opin daglega. Þar má skoða áhugaverða sýningu um sögu svæðisins og einstaka náttúru þess. Landverðir eru á staðnum, reiðubúnir að svara spurningum og miðla fróðleik um landslag, dýralíf, jarðfræði og menningu svæðisins. Heimsókn í gestastofuna veitir því góða innsýn í það sem gerir Mývatnssveit svo sérstaka.Yfir sumarmánuðina geta gestir einnig heimsótt sjarmerandi ísbúð við hótelið - Skútaís, sem rekin er af bændunum á Skútustöðum. Þar er boðið upp á ljúffengan heimagerðan ís úr ferskri mjólk frá kúnum á bænum.Hótelið býður upp á góða aðstöðu fyrir hópa, fundi og smærri ráðstefnur og hentar því jafnt fólki í fríi sem og þeim sem ferðast vegna vinnu. Margar af þekktustu náttúruperlum svæðisins eru í þægilegri akstursfjarlægð, þar á meðal hraunmyndanirnar í Dimmuborgum, jarðhitasvæðið við Námaskarð, fjallið Hverfjall, Grjótagjá sem margir þekkja úr Game of Thrones og Jarðböðin við Mývatn.Sel – Hótel Mývatn er því fullkominn áfangastaður fyrir ógleymanlega dvöl í einu fegursta og sérstæðasta náttúrusvæði landsins.

North E-bike bíður upp á rafmagnshjólaferðir fyrir allan aldur á skemmtilegum og miskrefjandi stígum í bakgarði Húsavíkur.

Hlíð ferðaþjónusta býður upp á nokkra möguleika í gistingu. Hraunbrún: Svefnpokagisting í fjögurra manna herbergjum án baðs.  Eldunaraðstaða, setustofa, sturtur og snyrtingar sameiginlegt. Kytrur: 9m2 smáhýsi með 2 rúmum, hjónarúm. Eldunaraðstaða, setustofa, sturtur og snyrtingar í Hraunbrún eða á tjaldsvæðunum, hvorutveggja ca 100m í burtu.  Álfahlíð/Dvergahlíð:  Sumarhús, 50m2 + 22m2 svefnloft.  Í húsinu er eldunaraðstaða, þar eru 2 svefnherbergi annað með 2 * 80cm breiðu rúmi og hitt með 1 * 140cm breiðu rúmi, á svefnlofti eru dýnur,  einnig er setustofa og snyrting með sturtu. Andabyggð:  Tveggja manna herbergi með sérbaðherbergi.  2 * 90cm breið rúm, uppábúið með morgunverði. Tjaldsvæði:  Við bjóðum  upp á tjaldsvæði með fyrsta flokks aðstöðu.  Alls konar tjaldsvæði eru í boði, dokkir og hraunbalar.  Ekki er mikill trjágróður á staðnum.  Það er lítil fluga vegna fjarlægðar við Mývatn og lítils trjágróðurs, en tjalsvæðin eru ca 1 km frá vatnsbakkanum. Vaskar með heitu og köldu vatni eru á nokkrum stöðum á tjaldsvæðinu, 2 snyrtingahús og 1 sturtuhús, sturta er innifalin í verði.  Rafmagnstenglar eru í boði víðs vegar um svæðið og er borgað sér fyrir það.  Við erum með litla verslun í afgreiðsluhúsi þar sem hægt er að kaupa sælgæti, gos og mjólkurvörur og einnig póstkort og filmur.  Stórt eldhústjald er á svæðinu. Hlíð ferðaþjónusta býður einnig upp á alls kyns afþreyingu,  t.d er á tjaldsvæðunum leiksvæði fyrir börn og þar er einnig reiðhjólaleiga.  Hægt er að fara í margar mismunandi gönguferðir, langar og stuttar yfir fjöll og fyrnindi,  við gefum allar upplýsingar um þessar gönguleiðir. Í nánasta nágrenn við okkkur er upplýsingamiðstöð fyrir ferðamenn sem vel er þess virði að heimsækja, þar er líka sundlaug, kaffihús, bar, og ýmsir matsölustaðir.