Ferðabloggið

Haustfríið er kjörið tilefni til að pakka í tösku, taka sundfötin með og skella sér norður með fjölskyldunni. Hér má auðveldlega láta daginn líða við leik og útiveru, skella sér í sund og setjast síðan niður í bakaríi eða á kaffihúsi. Hér höfum við tekið saman nokkrar hugmyndir fyrir fjölskyldur sem vilja gera sér dagamun á Norðurlandi í haustfríinu.

Norðurland býður upp á fjölbreyttar gönguleiðir í landslagi sem tekur sífelldum breytingum. Hér má ganga meðfram ströndum og um grösuga dali, fylgja árfarvegum og gljúfrum eða halda til fjalla og njóta víðsýnis yfir byggðir, firði og óbyggðir. Hvort sem leitað er að stuttri göngu í nágrenninu, góðri dagsleið eða krefjandi fjallgöngu má finna leið við hæfi víðs vegar um landshlutann.

Þann 21. júní n.k. verða sumarsólstöður og þá nýtur miðnætursólin sín hvað best á Norðurlandi. Birtan nær hámarki og landslagið baðar sig í hlýjum gullnum bjarma langt fram yfir miðnætti. Á þessum árstíma er sérstaklega gaman að njóta útivistar, upplifa náttúruna í kvöldsólinni og taka þátt í fjölbreyttum viðburðum sem framundan eru víða um Norðurland.

Að kvöldi miðvikudagsins 12. ágúst 2026 gengur tunglið fyrir sólina yfir Íslandi. Á mjórri ræmu vestast á landinu — Vestfjörðum, Snæfellsnesi og Reykjanesi — hverfur dagsbirtan alveg um stutta stund. Norðurland er rétt utan þessarar ræmu, en það sem hér sést er engu að síður stórbrotið: sólin verður mjór sigð, birtan tekur á sig undarlegan og fagran blæ, og landslagið lítur um stund út eins og allt annar staður.

Veitingastaðurinn Fish&Chips Lake Mývatn er kominn í úrslit í alþjóðlegum flokki í samkeppninni „The National Fish and Chips Award 2026“ en tilkynnt verður um sigurvegara í London þann 25. febrúar næstkomandi.

Á Norðurlandi fá börn að leika sér frjálst og njóta náttúrunnar í öruggu og örvandi umhverfi. Fjölskylduferðir snúast um einföld en dýrmæt augnablik: fjársjóðsleit á ströndinni, hvalaskoðun eða fjör í sundlaugum.

Sögusetur íslenska fjárhundins var opnað að Lýtingsstöðum í Skagafirði, laugardaginn 25. maí síðastliðinn.

Hvergi á Íslandi er jafn fjölbreytt úrval af böðum og á Norðurlandi. Ferðamenn geta baðað sig upp úr heitum sjó – og auðvitað köldum líka, heitu hveravatni beint úr borholum og síðast en ekki síst, heitum bjór!

Demantshringurinn er stórkostlegur 250km langur hringvegur á Norðurlandi eystra en þar er að finna magnaðar náttúruperlur og fjölbreytta afþreyingu.

Norðurland er fyrir alla fjölskylduna. Það getur verið krefjandi að ferðast um með börn á mismunandi aldri en á Norðurlandi ættu allir að geta fundið eitthvað við sitt hæfi og prófað nýja afþreyingu.

Á Norðurlandi er að finna marga fossa, en þó eru kannski tveir þeirra sem eru þekktari en aðrir.