Norðurstrandarleið snýr baki við troðnum slóðum og beinir ferðamanninum inn á hið fáfarna og afskekkta, að kanna norðurströnd Íslands í næsta nágrenni við heimskautsbauginn. Norðurstrandarleið fer um alla strandlengjuna, frá Hvammstanga í vestri til Bakkafjarðar í austri. Samtals er leiðin um 900 kílómetra löng, með 21 bæ eða þorpi og sex eyjum sem auðveldlega er að hægt að komast út í með bát eða ferju.
Hér gefast ótal tækifæri til að komast út fyrir rammann og finna frelsið. Norðurstrandarleið snýst ekki einvörðungu um akstur; hún býður ferðamanninn velkominn með sögum og upplifunum í hverri beygju og á hverri hæð. Norðurstrandarleið hvetur gestina til að gleyma sér í óspilltu náttúrulegu umhverfi, njóta orkustreymisins og taka þátt í daglegum viðburðum, allt frá notalega spennandi ævintýraferðum til krefjandi könnunar og upplifunar um leið og þeir kynnast náttúrulegum vettvangi villtra dýra og fugla. Norðurstrandarleið myndar samband við annars konar lífshætti, tengda hafi og norðlægri búsetu.
Norðurstrandarleið var formlega opnuð á Degi hafsins þann 8. júní 2019.
Gögn og efni í tengslum við þróun Norðurstrandarleiðar
Með því að smella hér má lesa ítarlegri upplýsingar um verkefnið.
Fyrsta áfangaskýrsla
Önnur áfangaskýrsla
Þriðja áfangaskýrsla
Lokaskýrsla um þróun upplifana
Vörumerkjahandbók
Ef þú vilt fá nánari upplýsingar skaltu senda tölvupóst á info@arcticcoastway.is. Hægt er að skoða heimasíðu Norðurstrandarleiðar hér www.nordurstrandarleid.is.