Laugar í Reykjadal Gönguleið

Gangan hefst við sundlaugina. Frá bílastæðinu er gengið norður veginn að Stóru-Laugum. Vegurinn liggur meðfram ánni og útsýni yfir grösugan Reykjadalinn til norðurs er gott. Á Stóru- Laugum er tekin lítill hringur í kringum húsaþyrpinguna áður en komið er niður á veginn aftur og gengið til baka í átt að skólahverfinu. Áður en komið er inn í hverfið er beygt upp til vinstri og svo gengið í gegnum hverfið suður fyrir tjörnina en þar er aftur beygt upp til vinstri og farið eftir stíg sem liggur í skeifu í kringum lítinn trjálund. Gengið niður eftir veginum og farið norður fyrir íþróttahúsið, meðfram tjörninni og aftur að bílastæðinu. Þægileg ganga og gaman að virða fyrir sér virðulegan húsakost framhaldsskólans á Laugum og njóta útsýnisins yfir hina gróðusælu og grösugu sveit sem Reykjadalurinn er.