Sjálfbær ferðaþjónusta á Norðurlandi

• Markmið verkefnisins: að auka sjálfbærni í ferðaþjónustu á Norðurlandi og koma henni betur á framfæri.
• Verkefnistímabil 2022-2025. Fjármagn úr Sóknaráætlun Norðurlands eystra (SSNE).
• Sjónum sérstaklega beint að efnahagslegri sjálfbærni og því hvernig megi með ákveðnum aðgerðum stuðla að bættum hagi heimamanna af ferðaþjónustunni og auknum heilsárstekjum í greininni.
• Mörg norðlensk ferðaþjónustufyrirtæki hafa þegar tileinkað sér gildi sjálfbærar þróunar og hafa innleitt ýmiskonar áherslur og/eða verkefni sem eru til þess fallin að efla sjálfbærni. Á árinu voru teknar saman frásagnir (sögur) af árangri nokkurra þessara fyrirtækja í þeim tilgangi að auka vitund forsvarsaðila annarra ferðaþjónustufyrirtækja um sjálfbærni og hvetja þá til góðra verka.
• Efnið var birt á texta- og myndbandsformi á vef MN á vordögum 2025. Einnig birt á samfélagsmiðlum MN.

Samstarfsvettvangur ferðamálafulltrúa

• MN bauð ferðamálafulltrúum og öðrum starfsmönnum sveitarfélaga, sem hafa með þróun áfangastaða og ferðamál almennt að gera, til reglulegra funda á árinu.
• Einnig var fulltrúum ferðamálafélaga/samtaka á Norðurlandi boðið að borðinu, sem og starfsfólki gestastofa í landshlutanum.
• Fundir bæði á Teams og í raunheimum.
• Alls um 20 manns boðaðir á hvern fund, auka sérstakra gesta á hverjum fundi, eftir efnum.
• Tilgangur þessa samstarfsvettvangs er að auka samstarf og bæta upplýsingamiðlun milli lykilfólks í stoðkerfinu, sem kemur að uppbyggingu og þróun ferðaþjónustu á Norðurlandi. Einnig aðmiðla manna á milli hvað er að frétta í ólíkum byggðalögum landshlutans.

   

Sértækt markaðsverkefni á Norðurlandi vestra

• Verkefnið þróaðist út frá verkefni sem áður gekk undir vinnuheitinu Rúbínleiðin. Verkefnið er unnið í samstarfi við SSNV og er fjármagnað að hluta með framlagi úr Sóknaráætlun Norðurlands vestra.
• Verkefnateymið vinnur einnig með sérstökum samráðshóp, sem skipaður er fulltrúum félaga ferðaþjónustuaðila í landshlutanum, ásamt sérfróðum aðilum um ferðaþjónustu og markaðssetningu, m.a. aðila frá Íslandsstofu.
• Meginmarkmið verkefnisins er að efla markaðssetningu ferðaþjónustu til lengri tíma á Norðurlandi vestra. Verkefninu er ætlað að byggja upp nýtt aðdráttarafl í ferðaþjónustu og leggja grunn að nýrri markaðssókn með kraftmikla ímyndarsköpun að leiðarljósi.
• Verkefnið er til tveggja ára (2025 og 2026). Á árinu 2025 voru verkefnaáherslur mótaðar og lykil áherslusvið fyrir vöruþróun og markaðssetningu. Byggt var á fyrri stefnumótunarvinnu sem unnin var af SSNV í samstarfi við Hjört Smárason.
• Afurð þessa verkefnis verður markaðsefni og markaðsáætlun sem dregur fram sérstöðu Norðurlands vestra. Efnið verður nýtt m.a. á miðlum MN, í samskiptum við ferðaskrifstofur og blaðamenn, og á miðlum fyrirtækja og sveitarfélaga á svæðinu.

Þingeyjarsveit - stöðugreining og aðgerðaáætlun

• MN, í samstarfi við Mývatnsstofu og sveitarfélagið Þingeyjarsveit, vann á árinu að verkefni sem fól í sér greiningu á stöðu ferðaþjónustu í Þingeyjarsveit, ásamt vinnslu aðgerðaáætlunar til frekari þróunar greinarinnar í sveitarfélaginu.
• Markmið verkefnisins var að móta sameiginlega sýn fyrir uppbyggingu ferðaþjónustu í Þingeyjarsveit. Einnig að móta áherslur fyrir markaðssetningu á næstu árum, með áherslu á vetrartímann.
• Opin vinnustofa var haldin í maí í tengslum við verkefnið. Markmið hennar var að fá fram sjónarmið fulltrúa ferðaþjónustufyrirtækja í Þingeyjarsveit, íbúa, sem og fulltrúa sveitarstjórnar, til frekari uppbyggingu og markaðssetningu greinarinnar. Niðurstöður verkefnisins byggja fyrst og fremst á þeim sjónarmiðum sem komu fram á vinnustofunni.
• Niðurstöður verkefnisins og aðgerðaáætlun voru kynntar í nóvember og hafa aðilar að verkefninu skipt með sér verkum við framkvæmd aðgerðaáætlunarinnar. Framgangi framkvæmdarinnar hefur verið fylgt reglulega eftir með fundum samráðsteymis frá MN, Mývatnsstofu, Þingeyjarsveit og SSNE.

Samstarf með Hæfnisetri ferðaþjónustunnar

MN á góðu samstarfi við Hæfnisetri ferðaþjónustunnar. MN hefur komið að undirbúningi og framkvæmd menntamorgna Hæfnisetursins, sem haldnir eru nokkrum sinnum á ári. Einnig skipulagði MN tvo viðburði á Norðurlandi á vordögum í samvinnu við Hæfnisetur, símenntunarmiðstöðvar og samtök sveitarfélaga á Norðurlandi. Efni þessara viðburða var hagnýt fræðsla um stafræna markaðssetningu og hagnýtingu gervigreindar í ferðaþjónustu. Annar viðburðurinn var haldinn á Húsavík, en hinn á Sauðárkróki og voru báðir mjög vel sóttir.

Innra starf

• Become a part of the future of North Iceland“ – Vinnufundur Voigt Travel og Kontiki í Hofi 29. September. Liður í uppbyggingu og þróun áfangastaðarins á sjálfbæran hátt
  • Undirbúning hafinn að verkefni um kjarnasvæði á þremur svæðum, Nl vestra, norðurhluti Tröllaskaga, Demantshringssvæði (síðan næsta haust stór Akureyrarsvæðið og Norðurhjari)
• Fundur með þingmönnum Norð-austur kjördæmis á VestNorden á Akureyri
• 100 milljóna viðbót tryggð til eins árs í Flugþróunarsjóð
• Þrýstingur á að klára nýtt aðflug úr suðri – mikilvægt fyrir flugvöllinn
• Þátttaka í almannatengslaverkefni með Akureyrarbæ og SSNE til þess að vekja athygli á mikilvægi millilandaflugs um Akureyrarflugvöll

Barátta fyrir áframhaldandi fjármögnun á Flugklasanum og markaðssetningu Akureyrarflugvallar