Haustfundur Norðurstrandarleiðar
Haustfundur Norðurstrandarleiðar verður haldinn á Teams, þriðjudaginn 11.nóvember kl.09:30 - 11:30.
Öll eru velkomin sem áhuga hafa á leiðinni og þeim möguleikum sem hún býður uppá.
Dagskrá í grófum dráttum:
- Norðurstrandarleið og veturinn.
- Skemmtiferðaskip og Norðurstrandarleið (minni leiðangursskip).
- Innviðamál og hver er staðan þar.
- Sögur fyrirtækja á Norðurstrandarleið.
- Kannanir sem hafa verið gerðar og greina hvar tækifærin eru.
- Síðast en ekki síst að taka spjallið – hvernig sjáið þið fyrir ykkur að leiðin þróist, hvað er gert vel og hvað má bæta.
Gestalesari verður Ebenezer Þórarinn Einarsson, hann starfar hjá Digido sem sérfræðingur í stafrænni markaðssetningu og vann áður í markaðsteymi Íslandshótela. Hann hefur unnið með fjölbreyttum fyrirtækjum – allt frá frumkvöðlum til alþjóðlegra stórfyrirtækja – og sérhæfir sig í nýtingu á viðskiptatengslakerfum og gervigreind til að hámarka árangur í markaðsstarfi.
Ebenezer mun fara yfir hvernig gervigreind getur hjálpað til við efnisvinnslu og markaðssetningu á Norðurstrandarleið en einnig hvað ber að varst í þessum gervigreindar frumskógi.
Það er margt spennandi framundan og við hlökkum til að sjá ykkur sem flest þann 11.nóvember.