Flugþróunarsjóður auglýsir eftir umsóknum um styrki
Markmiðið með Flugþróunarsjóði er að styðja við uppbyggingu nýrra flugleiða til Íslands þannig að koma megi á reglulegu millilandaflugi um alþjóðaflugvellina Akureyri og Egilsstaði Með því er stuðlað að dreifingu ferðamanna um landið í samræmi við Vegvísi í ferðaþjónustu, bættri nýtingu innviða ríkisins, bættum búsetuskilyrðum og lífsgæðum heimamanna og bættum rekstrarskilyrðum atvinnureksturs á Norður- og Austurlandi.
Flugþróunarsjóðurinn veitir tvenns konar styrki:
Styrkir úr leiðarþróunardeild miðast við ákveðna upphæð fyrir hvern farþega sem lendir á Akureyri eða á Egilsstöðum.
Styrkir úr markaðsþróunardeild eru ætlaðir til kynningar á þeim flugleiðum sem um ræðir.
Umsóknarfrestur er til 31. ágúst 2016. Umsóknum skal skilað rafrænt á sérstöku umsóknareyðublaði til atvinnuvega- og nýsköpunarráðuneytisins á netfangið postur@anr.is