Hæ kæru vinir!!!
Við erum agalega spenntir að fá ykkur í heimsókn vel valda daga í desember á milli kl 11 og 13!
Það eru sko allir velkomnir til okkar á Hallarflöt í Dimmuborgum! Og ef þú hefur ekki komið í heimsókn til okkar áður þá veistu kannski ekki að það getur verið mjöög mjööööög mjööööööög kalt í Dimmuborgum, nema þú sért vel fóðraður eins og pabbi Leppalúði.
Við syngjum og tröllum og höfum gaman saman (það verða samt engin tröll, nema bara þau sem eru nú þegar orðin að steini!).
Mamma bað okkur að segja líka að þeir sem eru 6 ára og eldri þurfa að borga 2.300 kr. í Grýlusjóð.
Jólastuðkveðja, Jólasveinarnir í Dimmuborgum.
Miðasalan hefst fljótlega á tix.is
Minnum á árlega jólabað jólasveinanna í Jarðböðunum við Mývatn 5. desember kl 16.
Jólamarkaður í Skjólbrekku verður sama dag, 5. desember frá 12-17 og einnig sunnudaginn 6. desember frá kl 12-16.
Jólasveinarnir í Dimmuborgum eru styrktir af Jarðböðunum við Mývatn, Sparisjóði Suður-Þingeyinga, Grand þvottur og Kjarnafæði/Norðlenska.