Fara í efni

Eða prófaðu að leita eftir flokki og/eða staðsetningu

Grænmeti lifir við erfiðar aðstæður á Íslandi. Kalt loftslag og stutt sumur eru áskoranir fyrir plöntur sem eru að reyna að vaxa og þroskast. En þær fáu tegundir sem hafa það af eru bragðmiklar. Kartöflur eru algengasta meðlætið og á árum áður voru þær ein af fáum ferskum grænmetistegundum sem rötuðu á diska Íslendinga, ásamt káli, rófum og gulrótum. Rauðar og gular íslenskar kartöflur eru þau yrki sem hafa verið ræktuð hér á landi lengst og eru lítt þekkt erlendis. Þannig má segja að þær séu hinar eiginlegu íslensku kartöflur og njóta Íslendingar þeirra sérstaklega smárra, sem smælkis. Fleiri og fleiri tegundir grænmetis og jurta eru nú ræktaðar í gróðurhúsum sem eru hituð með jarðhita allan ársins hring.

Á ensku

potatoes / kartöflur og smælki
carrots / gulrætur
turnips / rófur
beetroot / rauðrófur
cabbage / hvítkál

tomatoes / tómatar
cucumber / agúrka
salad / salat
peppers / papríka
mushrooms / sveppir
cauliflower / blómkál