Aðalfundur Markaðsstofu Norðurlands 2017
Markaðsstofa Norðurlands boðar til aðalfundar þriðjudagurinn 16. maí 2017 kl 13-15. Fundurinn er haldinn á Hótel KEA. Erindi eftir aðalfund þar sem Inga Hlín Pálsdóttir, Íslandsstofu heldur erindið "Er ímynd Íslands að breytast?"
Dagskrá aðalfundar skv skipulagsskrá:
- Skýrsla stjórnar
- Afgreiðsla ársreiknings
- Afgreiðsla fjárhagsáætlunar
- Stjórnarkjör
- Kjör endurskoðenda
- Starfshættir stjórnar
- Önnur mál
Undir önnur mál verður meðal annars stutt kynning frá nýjum verkefnastjóra DMP áætlana um stöðu verkefnisins.
Stjórnarmenn eru kosnir á aðalfundi stofnunarinnar. Stjórn stofnunarinnar er skipuð fimm mönnum og tveimur varamönnum. Miða skal við að tveir stjórnarmenn og einn varamaður komi af Norðurlandi vestra og þrír stjórnarmenn og einn til vara frá Norðurlandi eystra. Stjórnarmenn eru kosnir til tveggja ára í senn. Varamenn eru kosnir til eins árs í senn. Annað hvert ár skal kosið um tvo stjórnarmenn og hitt árið um þrjá stjórnarmenn.
Á fundinum verður kosið um stjórnarsæti Svanhildar Pálsdóttir(NV), Gunnars Jóhannessonar(NA) og Njáls Trausta Friðbertssonar(NA) þar sem tveggja ára kjörtímabili þeirra er að ljúka. Einnig er kosið um sæti varastjórnarmannanna Þórdísar Bjarnadóttur(NA) og Unnar Valborgardóttur(NV). Aðrir stjórnarmenn eru Sigríður María Róbertsdóttir(NA) og Sigríður Káradóttir(NV).
Framboð frá samstarfsfyrirtækjum til stjórnar þurfa að koma fram í síðasta lagi fyrir upphaf aðalfundar og eru áhugasamir beðnir að tilkynna framboð til framkvæmdastjóra.
Á aðalfundi fer hvert samstarfsfyrirtæki Markaðsstofunnar með atkvæði samkvæmt sínum gjaldflokki, 1 atkvæði fyrir lægsta flokk, 2 atkvæði fyrir næstlægsta flokk og svo framvegis upp í 5 atkvæði fyrir efsta gjaldflokk. Skilyrði þess að samstarfsfélög Markaðsstofu Norðurlands geti nýtt atkvæði sín á aðalfundi er að þau séu skuldlaus við Markaðsstofu Norðurlands.
Nánari upplýsingar um MN er að finna hér http://www.nordurland.is/is/markadsstofan/frettir-af-innra-starfi
Skipulagsskrá MN má sjá hér www.nordurland.is/static/files/PDF/Starfsemi/markadsstofanordurlands-skipulagsskra-20.mai14.pdf
Staðfest breyting frá Sýslumanninum á Sauðárkróki v/ Markaðsstofu Norðurlands 20.06.2014 má sjá hér https://www.northiceland.is/static/files/PDF/Starfsemi/auglysing-breyting-markadsstofa-nordurlands.pdf