Bonefight á Icelandic Winter Games

Iceland Winter Games (IWG) hátíðin verður haldin í Hlíðarfjalli á Akureyri dagana 23.-25. mars nk. Hátíðin var fyrst haldin árið 2014 en snýr nú aftur eftir tveggja ára hlé. Í ár er von á keppendum víðs vegar að úr heiminum, m.a. frá Bandaríkjunum, Kanada, Austurríki og fleiri Evrópulöndum.

Aðalviðburður hátíðarinnar í ár verður keppni á svokölluðum snjóskautum, eða Sled Dogs Snowskates, og heitir sú keppni Bonefight. Í henni felst að keppendur fara af stað nokkrir saman í gegnum ákveðna braut, og sá sem kemur fyrstur í mark sigrar. Í brautinni eru alls kyns hindranir sem eru til þess gerðar að reyna verulega á keppendur. Í þessari keppni verða keppendur allsstaðar að úr heiminum, fyrrum heimsmeistarar og fleiri. 

Auk Bonefight verður keppt í fjallahjólabruni niður skíðabrekkurnar, vélsleðaspyrnu og snjócrossi, snjóblaki og freeride á bæði skíðum og brettum.

Allar nánari upplýsingar um viðburðinn má nálgast á heimasíðu IWG.