Ratsjáin er ákveðið verkfæri ætlað stjórnendum í ferðaþjónustu og tengdum greinum sem vilja auka nýsköpunarhæfni sína, hraða mikilvægum breytingaferlum og öðlast aukna yfirsýn og getu til að þróa vörur og þjónustu.

Í byrjun mars verður Vetrarhátíð við Mývatn haldin, nánar tiltekið 4.-13. mars. Þessi einstaka hátíð hefur skipað sér sess sem einn skemmtilegasti vetrarviðburður Norðurlands þar sem vetraríþróttir eru stundaðar, bæði hefðbundnar og óhefðbundnar.

Í gær var undirritaður samningur milli Isavia Innanlandsflugvalla og Byggingarfélagsins Hyrnu um smíði viðbyggingar við flugstöðina á Akureyrarflugvelli

Markaðsstofa Norðurlands óskar samstarfsaðilum sínum og landsmönnum öllum gleðilegra jóla og farsældar á nýju ári!

Mannamótum hefur verið frestað til 24. mars 2022, vegna breytinga á sóttvarnarreglum sem taka gildi í kvöld.

Íslandsstofa og Markaðsstofur landshlutanna hafa skrifað undir samninga um samvinnu við erlenda markaðssetningu á Íslandi sem áfangastað

Markaðsstofa Norðurlands heldur vinnufundi á Norðurlandi í janúar. Tilgangur fundanna er að efla samstarf á milli ferðaþjónustuaðila og útbúa pakka til þess að ýta undir vetrarferðaþjónustu á svæðinu. Einnig verður farið í grunnatriði markaðssetningar á samfélagsmiðlum og hvað hafa þarf í huga við notkun þeirra.

Júlli byrjar daginn hjá Snow Dogs í Vallholti ofan við Reykjadal. Þar fer hann í hundasleðaferð og þykir það allt annað en leiðinlegt! Því næst heldur hann til Húsavíkur, og kíkir á Goðafoss á leiðinni.

Júlli er í vetrarparadísinni við Mývatn og skellir sér í snjósleðaferð. Í fyrsta sinn á ævinni stígur hann á gönguskíði og eftir viðburðarríkan dag lætur hann þreytuna líða úr sér í Jarðböðunum.

Júlli er á Tröllaskaga og byrjar daginn á Siglufirði með heimsókn til Viking Heliskiing. Hann sér einnig þyrlu frá Arctic Heli Skiing ferja skíðamenn, kíkir inn á sérstakt salerni á súkkulaðikaffihúsinu Fríðu og baðar sig að lokum í fjörunni á Hauganesi.

Júlli leiðsögumaður vaknar hress og ferskur á Skagaströnd, en þaðan heldur hann til Skagafjarðar og kemur við á skíðasvæðinu í Tindastól í leiðinni. Fjöruferð á Borgarsandi er frábær gönguleið fyrir fjölskyldur og heimsókn í Glaumbæ veitir ótrúlega flott innsýn í lífið á Íslandi fyrr á öldum.

Júlli leiðsögumaður er kominn í Hlíðarfjall til að læra á skíði, en hann hefur ekki rennt sér nema einu sinni eða tvisvar áður. Að skíðaferðinni lokinni tekur hann því rólega og svipast um í Jólagarðinum í Eyjafirði.