Nýtt kynningarmyndband fyrir áfangastaðinn Norðurland er komið í loftið. Myndbandið dregur fram það sem gerir Norðurland að einstökum vetraráfangastað, þar sem fjölbreytt upplifun, mannlíf og landslag í vetrarbúningi fara saman.

Haustfríið er kjörið tilefni til að pakka í tösku, taka sundfötin með og skella sér norður með fjölskyldunni. Hér má auðveldlega láta daginn líða við leik og útiveru, skella sér í sund og setjast síðan niður í bakaríi eða á kaffihúsi. Hér höfum við tekið saman nokkrar hugmyndir fyrir fjölskyldur sem vilja gera sér dagamun á Norðurlandi í haustfríinu.

Opnað hefur verið fyrir skráningar á Mannamót Markaðsstofa landshlutanna sem verða haldin fimmtudaginn 28. janúar 2027 í Kórnum í Kópavog frá kl. 12–17.

Uppskeruhátíð ferðaþjónustunnar á Norðurlandi var haldin á Norðurhjarasvæðinu í gær. Yfir daginn heimsóttu þátttakendur ferðaþjónustuaðila á svæðinu og kynntust fjölbreyttri starfsemi þeirra, sögu og nærumhverfi. Deginum lauk með hátíðarkvöldverði og skemmtun.

Menntamorgnar ferðaþjónustunnar fara nú aftur í gang með lækkandi sól en þeir eru opnir og ókeypis fræðsluviðburðir fyrir starfsfólk og stjórnendur í ferðaþjónustu í boði Hæfniseturs ferðaþjónustunnar, Samtaka ferðaþjónustunnar og Markaðsstofa landshlutanna.

Markaðsstofa Norðurlands og Samtök sveitarfélaga á Norðurlandi vestra (SSNV) hafa á undanförnum mánuðum unnið að verkefni sem miðar að því að byggja upp aðdráttarafl og leggja grunn að nýrri markaðssókn í ferðaþjónustu. Í verkefninu hefur verið unnið með samráðshópi hagaðila, skipuðum fulltrúum ferðaþjónustu á Norðurlandi vestra, Íslandsstofu og Háskóla Íslands á Hólum.

Fulltrúar Markaðsstofu Norðurlands sóttu tvo alþjóðlega ferðaviðburði í september: Norræna vinnustofu í Frankfurt og ferðakaupstefnuna Vestnorden í Grænlandi. Viðburðirnir gáfu gott tækifæri til að kynna Norðurland fyrir ferðaskrifstofum frá ólíkum mörkuðum og efla tengsl við erlenda samstarfsaðila.

Norðurland býður upp á fjölbreyttar gönguleiðir í landslagi sem tekur sífelldum breytingum. Hér má ganga meðfram ströndum og um grösuga dali, fylgja árfarvegum og gljúfrum eða halda til fjalla og njóta víðsýnis yfir byggðir, firði og óbyggðir. Hvort sem leitað er að stuttri göngu í nágrenninu, góðri dagsleið eða krefjandi fjallgöngu má finna leið við hæfi víðs vegar um landshlutann.

Markaðsstofa Norðurlands og Íslandsstofa héldu vinnustofu fyrir samstarfsaðila Markaðsstofunnar í Hofi á Akureyri fimmtudaginn 17. september síðastliðinn. Vinnustofan var haldin í tilefni af nýrri markaðsherferð Íslandsstofu og var leidd af Daða Guðjónssyni, forstöðumanni markaðssamskipta hjá Íslandsstofu, sem hluti af verkefninu Ferðaþjónusta til framtíðar.

Í tilefni nýrrar herferðar Íslandsstofu býður Markaðsstofa Norðurlands, í samstarfi við Íslandsstofu samstarfsfyrirtækjum til vinnustofu um Bretlandsmarkað og sölumiðað markaðsstarf. Íslandsstofa leiðir vinnustofuna sem hluta af verkefninu Ferðaþjónusta til framtíðar og fer hún fram í Hofi á Akureyri fimmtudaginn 17. september frá kl 13 til 15.

Uppskeruhátíð ferðaþjónustunnar á Norðurlandi verður haldin á Norðurhjarasvæðinu fimmtudaginn 15. október næstkomandi.  Farið verður í heimsókn til fyrirtækja og á áhugaverða staði í nágrenni Kópaskers og Raufarhafnar og lýkur dagskránni með kvöldverði og skemmtun til miðnættis